March 27, 2018

HOT NEWS; VIONGOZI WAKUU CHADEMA AKIWEMO MWENYEKITI WAO TAIFA NA MBUNGE WA IRINGA MJINI AUNGANISHWA KESI YA AKINA MBOWE

Mbunge wa  Iringa mjini Mchungaji Peter  Msigwa na Mwenyekiti wa Chadema  Taifa  Freeman  Mbowe  ambao  leo  wamenyimwa  dhamana
..........................................................................................................................
KATIKA hali  isiyo ya kawaida wakili  wa viongozi wa Chadema, Frederick Kihwelo amesema mbunge wa chama hicho Iringa Mjini, Mchungaji Peter Msigwa naye ameungwanishwa na viongozi waliowekwa mahabusu katika Kituo Kikuu cha Polisi jijini Dar es Salaam.

Akizungumza  leo mchana Machi 27, 2018,Wakili wa viongozi hao wa Chadema, Frederick Kihwelo ameeleza kuwa viongozi hao wamefutiwa dhamana kwa kuwa wanapotakiwa kuripoti polisi, baadhi yao baadhi hushindwa kutokea.



 Kihwelo amesema Mchungaji Msigwa aliitwa na alipofika polisi naye aliunganishwa mahabusu na wenzake ambao ni Mwenyekiti wa Chadema, Freeman Mbowe; Katibu Mkuu wa chama hicho, Dk Vincent Mashinji; manaibu katibu wakuu, John Mnyika (Bara) na Salum Mwalimu (Zanzibar) na Mweka Hazina wa Baraza la Wanawake Chadema (Bawacha), Esther Matiko.
Mwenyekiti wa Kanda ya Serengeti, John Heche na wa Bawacha, Halima Mdee bado hawajafika kituoni hapo.
Mwenyekiti wa Chadema, Freeman Mbowe na vigogo wengine wanne wa chama hicho walioripoti Kituo Kikuu cha Polisi jijini Dar es Salaam leo asubuhi Machi 27, 2018, ambao wote wamewekwa mahabusu.
Viongozi wengine waliofika kituoni hapo ni Katibu Mkuu wa chama hicho, Dk Vincent Mashinji; manaibu katibu wakuu, John Mnyika (Bara) na Salum Mwalimu (Zanzibar) na Mweka Hazina wa Baraza la Wanawake Chadema (Bawacha), Esther Matiko.
Mwenyekiti wa Kanda ya Serengeti, John Heche na wa Bawacha, Halima Mdee bado hawajafika kituoni hapo.
Viongozi hao waliripoti polisi Machi 22, 2018 na kutakiwa kuripoti leo. Siku hiyo Mdee na Matiko hawakuwepo huku Mnyika na Heche wakihojiwa kwa zaidi ya saa mbili kutokana na kutoripoti siku za nyuma.
Februari 20, 2018 Polisi Kanda Maalum ya Dar es Salaam iliagiza kukamatwa viongozi saba waandamizi wa Chadema, siku chache baada ya tukio la kuuawa kwa mwanafunzi wa Chuo Kikuu cha Taifa cha Usafirishaji (NIT), Akwilina Akwilini.
Akwilina aliuawa kwa kupigwa risasi Februari 16 akiwa ndani ya daladala eneo la Mkwajuni, Kinondoni wakati polisi wakiwatawanya wafuasi wa Chadema waliokuwa wakienda ofisi za mkurugenzi wa Halmashauri ya Kinondoni kudai viapo vya mawakala wao.


0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE