December 29, 2017

WAASI 6 WA MAI-MAI WAUAWA DRC

Image result for WAASI MAIMAI
Askari mmoja na waasi wa Mai-Mai sita wameuwawa katika mapambano Alhamisi upande wa mashariki ya Jamhuri ya Kidemokrasia ya Congo (DRC) karibu na mpaka wa Uganda, jeshi la Congo limesema.
Kuanzia mwanzo wa mwaka 2017, wapiganaji wa Mai-Mai mara nyingi wamekuwa wakishambulia maeneo mbalimbali ya jeshi la Congo katika eneo.
Shirika la habari la AFP limeripoti kuwa mapambano ya hivi karibuni kati ya majeshi ya serikali na waasi yalianza katika majira ya saa mbili asubuhi, wakazi wa eneo la Kasindi, katika jimbo la Kivu Kaskazini, wamesema.
Kasindi ni sehemu ambapo kipo kituo kikuu cha forodha upande wa mashariki wa DRC na ambapo bidhaa nyingi zinazoingia nchini kutoka Uganda hupewa kibali.
“Tunasikitika kwa kifo cha askari, na wengine watatu waliojeruhiwa, na waasi sita wameuawa na wengine watatu wamekamatwa,” alisema msemaji wa jeshi katika eneo hilo ameeleza, Luteni Jules Tshikudi.
“Utulivu umerejea hivi sasa baada ya masaa kadhaa ya mapambano ambapo silaha nzito na nyepesi zilitumika, na Jeshi limeweza kulidhibiti eneo hilo,” aliongeza.

0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE