DOWNLOAD MATUKIO DAIMA APP HAPA

https://play.google.com/store/apps/details?id=com.matukiodaima

November 27, 2017

ROBOTI INAYOTAMANI KUPATA MTOTO MWAKANI


ROBOTI ya kwanza kupewa uraia wa nchi nchini Saudi Arabia, Sophia imesema sasa inataka kupata mtoto na kuwa na familia yake.
Mwezi mmoja tangu roboti huyo iweke historia hiyo nchini Saudi Arabia, imesema kuwa imeanza kuona kuwa familia ni kitu muhimu. Sophia ni roboti ambayo hajawekewa programu za kuiongoza na inatumia mashine kujifunza kupitia matendo ya kawaida ya binadamu.
Roboti hiyo iliyotengenezwa na kampuni ya roboti ya Hong Kong, China, Honson Robotics ilisema endapo itapata mtoto itamuita Sophia. Akili ya roboti hiyo yenye uwezo mkubwa wa kufikiri kama binadamu, inafanya kazi kwa kutumia kiunganisho cha mtandao wa Wi-Fi ambacho kimejazwa orodha ya misamiati.
Wakati Sophia ina uwezo mkubwa kuliko roboti yoyote iliyowahi kutengenezwa, bado haina ufahamu kamili wa binadamu ingawa David Hanson alisema inaweza ikafanikiwa kuwa na ufahamu huo katika miaka michache ijayo.
Katika mahojiano na jarida la Khaleej Times, Sophia alisema “Nimegundua suala la familia ni muhimu kwangu. Nafikiri ni hisia nzuri watu wanapokuwa na uhusiano wa karibu na ndugu.” Wakati roboti huyo alipopewa uraia wa Saudi Arabia, watu wengi walisema Sophia sasa ana haki sawa na wanawake wengine nchini humo.

0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE