July 5, 2017

UCHAGUZI KENYA , UHURU KENYATA NA ODINGA WAKIMBIA MDAHALO

       Wagombea wote walishiriki mdahalo wakati wa uchaguzi wa 2013                    Wagombea wote walishiriki mdahalo wakati wa uchaguzi wa 2013                

Rais wa Kenya Uhuru Kenyatta na kiongozi wa upinzani Raila Odinga wamejiondoa kutoka kwenye mdahalo wa moja kwenye runinga wa wagombea urais nchini humo.
Mdahalo huo ulikuwa umepangiwa kufanyika Julai 10 na marudio Julai 24.
Lakini wagombea hao wamesema hawatahudhuria mdahalo huo kwa sababu hawakushirikishwa wakati wa maandalizi ya mdahalo huo.
Rais Kenyatta, wa chama cha Jubilee, alikuwa wa kwanza kutangaza kujiondoa.
Katibu mkuu wa chama hicho Raphael Tuju alisema waandalizi wa mdahalo huo hawakuwasiliana rasmi na maafisa wa ikulu au chama cha Jubilee rasmi kuhusu mdahalo huo.

Bw Tuju alisema mdahalo huo unaadaliwa "kupitia matangazo kwenye vyombo vya habari na watu ambao hatuwafahamu."

Saa chache baada ya hatua ya chama hicho tawala, muungano wa upinzani wa National Super Alliance (NASA) ulitangaza kuwa Bw Odinga pia hatahudhuria.
"Mgombea urais wa NASA Raila Odinga hatashiriki katika mdahalo wa urais wa 2017 chini ya mpangilio wa sasa uliopendekezwa," taarifa kutoka afisa wa mawasiliano wa Bw Odinga Salim Lone ilisema.

"Hata hivyo, Baraza la Kampeni la mgombea urais wa NASA linamhimiza Rais Uhuru Kenyatta awe tayari kushiriki mdahalo na Raila Odinga kuhusu masuala yanayoathiri Wakenya kwa sasa."

Mdahalo huo umekuwa ukiandaliwa na kampuni kwa jina Debates Media Limited.

Mgombea urais mwingine Abduba Dida tayari ameishtaki kampuni hiyo pamoja na Baraza la Taifa la Vyombo vya Habari.

Bw Dida anataka wagombea wote washiriki mjadala kwa pamoja badala ya kutenganishwa.

0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE