DOWNLOAD MATUKIO DAIMA APP HAPA

https://play.google.com/store/apps/details?id=com.matukiodaima

May 8, 2017

Rais Muhammadu Buhari arejea London kwa matibabu

 Buhari alijitokeza wakati wa swala ya Ijumaa msikitini katika ikulu wiki iliyopitaBuhari alijitokeza wakati wa swala ya Ijumaa msikitini katika ikulu wiki iliyopita                

Rais wa Nigeria Muhammadu Buhari amerejea London kupokea matibabu wiki chache baada yake kukaa huko kwa miezi miwili.
Taarifa kutoka kwa ikulu ya rais huyo imesema amehitajika kwenda Uingereza kuchunguzwa na madaktari.
Hata hivyo, kufikia sasa hakuna taarifa kuhusu ugonjwa anaougua wala muda ambao anatarajiwa kukaa nchini Uingereza.
Mwandishi wa BBC Tomi Oladipo anasema Jumapili ilikuwa siku muhimu kwa Muhammadu Buhari ambapo alikuwa anakutana na wasichana 82 wa Chibok ambao walikuwa wameachiwa huru baada ya kuzuiliwa na wanamgambo wa Boko Haram kwa miaka mitatu.
Badala yake, kutokana na afya yake, tukio hilo la kuwapokea halikufanywa kuwa sherehe kubwa.
Buhari amekuwa haonekani sana hadharani kipindi kirefu cha mwaka huu.
Alikaa wiki saba Uingereza kabla ya kurejea Machi.
Wiki iliyopita, hakuhudhuria mikutano mitatu ya baraza la mawaziri huku wasiwasi ukiongezeka kuhusu hali yake.
Alijitokeza hata hivyo Ijumaa wakati wa swala ya Ijumaa katika msikiti ulio ikulu ya nchi hiyo.
Taarifa kutoka ikulu imesema kiongozi huyo alikuwa amepangiwa kuondoka mapema Jumapili alasiri lakini akachelewa kwa muda kumuwezesha kukutana na wasichana hao wa Chibok.
Buhari alipojitokeza katika ikulu IjumaaBuhari alipojitokeza katika ikulu Ijumaa                
Rais Buhari amesema: "Nina imani kwamba serikali itaendelea kutekeleza shughuli zake vyema nitakapokuwa nje ya nchi."

0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE