POLISI IRINGA YAMKAMATA MFANYABIASHARA MTUHUMIWA WA DAWA ZA KULEVYA

Kamanda  wa  polisi  mkoa  wa Iringa  Julius  Mjengi

Heron ambazo  zimekamatwa  na  jeshi la polisi nchini (picha hii na maktaba) sio ya  tukio hili la Iringa
............................................................................................................................................................
Na Matukiodaima Blog


JESHI  la  polisi  mkoa  wa  Iringa  limemkamata  mtuhumiwa wa  biashara za  dawa  ya  kulevya pamoja na mteja  wake aliyekuwa katika harakati  za  kununua dawa hizo.




Kamanda  wa  polisi  mkoa  wa  Iringa Julius  Mjengi aliueleza mtandao  huu wa matukio daima ofisini  kwake  leo kuwa mfanyabiashara   huyo Ramadhan Abduli (38) mkazi  wa Ilula  katika  wilaya ya  Kilolo alikamatwa jana  majira  ya  saa 12.30  jioni akiwa anaandaa kete  30 za dawa  za  kulevya aina ya  Heron na bangi  kete 195.




Alisema  kuwa mtuhumiwa  huyo  alikutwandani ya Pagale  akifunga kete   hizo  huku  mteja  wake  Hamza  Adamu (36) akinunua dawa  hizo.




Kamanda  Mjengi  alisema  pamoja na mfanyabiashara  huyo  kukamatwa na dawa   hizo  pia  alikamatwa na  pesa  kiasi cha shilingi 282,300 ambazo  ni  fedha  zilizotokana na mauzo ya  dawa  hizo.




Alisema kuwa  watuhumiwa hao  watafikishwa mahakamani  wakati  wowote  kuanzia  sasa  baada ya  upelelezi  wa  kesi  hiyo kukamilika .




Hata   hivyo  alisema  kuwa  jeshi la polisi  mkoa  wa Iringa  limejipanga  kuendesha  msako  wa kuwasaka  wale  wote wanaojihusisha na biashara ya dawa za kuevya na watumuaji  wa dawa hizo na  kuwachukulia  hatua kali .




Kamanda  huyo  alitoa  wito  kwa  wananchi  kuendelea  kutoa  ushirikiano kwa  jeshi la  polisi  kwa kuwafichua  wale  wote wanaojihusisha  na matukio mbali mbali yakiwemo ya  uuzaji na utumiaji wa dawa za  kulevya .