DOWNLOAD MATUKIO DAIMA APP HAPA

https://play.google.com/store/apps/details?id=com.matukiodaima

May 31, 2017

PIGO JINGINE KWA TRUMP ,MKUU WA MAWASILIANO IKULU AACHA KAZI

Michael Dubke

Haki miliki ya pichaBLACK ROCK GROUP
Image captionMike Dubke alitazamwa kama mtu wa kutoka nje White House
Mkurugenzi wa mawasiliano katika ikulu ya White House amejiuzulu miezi mitatu pekee baada yake kupewa kazi hiyo na Rais Donald Trump.
Mike Dubke, ambaye ni mwanamikakati wa chama cha Republican aliyebobea, alipewa kazi mwezi Machi kujaribu kufanyia mageuzi mkakati wa mawasiliano wa ikulu hiyo.
Kama sehemu ya mabadiliko aliyopendekeza, afisa wa habari wa White House Sean Spicer ataendelea kushikilia wadhifa wake, lakini vikao vya maafisa hao na wanahabari vitakuwa vichache.
Mabadiliko hayo yametokea huku kukiwa na taarifa kwamba kuna migawanyiko katika kundi la maafisa wa mawasiliano White House.
Bw Dubke ameondoka kwa nia njema, kwa mujibu wa tovuti ya kisiasa ya Axios News ambayo ilikuwa ya kwanza kutangaza habari hizo.
Sean SpicerHaki miliki ya pichaREUTERS
Image captionKumekuwa na uvumi kwamba huenda Sean Spicer akaachishwa kazi
Mshauri wa White House Kellyanne Conway amesema Bw Dubke alikuwa amekubali kusalia kazini hadi Bw Trump arejee kutoka safari yake ya kwanza nje ya nchi hiyo Mashariki ya Kati na Ulaya siku ya Jumamosi.
"Ameeleza nia yake ya kutaka kuondoka White House na kusema wazi kwamba atasubiri hadi rais amalize ziara yake ya kimataifa," aliambia Fox News.
Rais Trump anadaiwa kukatishwa tamaa na taarifa zinazotolewa na White House pamoja na uchunguzi wa wabunge na FBI kuhusu iwapo maafisa wake wa kampeni walishirikiana na maafisa wa Urusi kumsaidia kushinda urais.
Majuzi, alitoa wazo la kufutilia mbali vikao vya kila siku vya kuwapasha habari waandishi na badala yake kuwa akiandaa vikao hivyo mara moja kila baada ya wiki mbili.
Corey Lewandowski, meneja wa zamani wa kampeni wa Trump alionekana akiondoka White House JumatatuHaki miliki ya pichaREUTERS
Image captionCorey Lewandowski, meneja wa zamani wa kampeni wa Trump alionekana akiondoka White House Jumatatu


0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE