DOWNLOAD MATUKIO DAIMA APP HAPA

https://play.google.com/store/apps/details?id=com.matukiodaima

May 20, 2017

ORODHA YA MAJAMBAZI WANAOITINGISHA PWANI NA KIBITI


unnamed
Kamanda wa polisi mkoani Pwani,kamishna msaidizi mwandamizi ,Onesmo Lyanga,wa kushoto,akizungumza jambo.(picha na Mwamvua Mwinyi).
………………….
Na Mwamvua Mwinyi,Pwani
JESHI la polisi mkoani Pwani ,limewabaini baadhi ya mtandao wa watuhumiwa wa mauaji yanayoendelea wilayani Mkuranga, Kibiti na Rufiji wapatao kumi na mbili akiwemo mwanzilishi wa mauaji Abdurshakur Ngande Makeo .
Aidha jeshi hilo linaendelea na msako kuwatafuta watu hao ambao wanne picha zao zimepatikana .
Akizungumzia hali ya kiusalama ya Mkoa kutokana na vitendo vya mauaji vinavyoendelea katika wilaya hizo ,Kamanda wa polisi mkoani hapo,Onesmo Lyanga ,alisema wanaendelea na mapambano na upelelezi kuwapata wahusika wote .
Alieleza ,jeshi la polisi limewabaini kwa majina na picha kwa baadhi yao .
Kamanda Lyanga ,aliwataja watuhumiwa hao kuwa ni Faraj Ismail Nangalava ,Anaf Rashid Kapera @Kapelo ,Said Ngunde na Omary Abdallah Matimbwa .
Wengine ni Shaban Kinyangulia ,Haji Ulatule ,Ally Ulatule ,Hassan Uponda ,Rashid Salim Mtulula ,Sheikh Hassan Nasri Mzuzuri  na Hassan Njame .
Kamanda Lyanga ,alieleza kwamba ,Saidi Ngunde inadaiwa anaishi Ikwiriri na Omar Abdallah Matimbwa anaishi Dar es salaam ambapo picha zao wanazo pamoja na ya Faraj na Anaf .
Alieleleza wengine nane bado picha zao hazijapatikana hadi sasa .
“Jeshi letu limebaini hayo kwa kushirikiana na wasiri wetu huku tukiendelea na uchunguzi zaidi ” alibainisha .
Kamanda Lyanga alisema ,watuhumiwa hao ,wamegundulika kuwa hupendelea kutembelea maeneo ya kisiwa cha Simbaulanga ,kisiwa cha Saninga kijiji cha Nchinga .
Kamanda huyo ,alifafanua kijiji kingine ni cha Mfesini kata ya Nyamisati na maeneo mbalimbali ya wilaya za Kibiti ,Rufiji na Mkuranga.
Jeshi hilo linatoa wito kwa jamii kutoa ushirikiano kwa siri kufichua watuhumiwa kwani wanahatarisha hali ya usalama kimkoa .
Limetangaza bingo ya kumpatia sh. mil .tano yeyote atakaefanikisha zoezi hilo .
Hivi karibuni jeshi hilo lilitangaza kuwa kuna mtandao wa majina ya wauaji 102 ambao wanawasaka hadi sasa ili kudhibiti vitendo vya mauaji vinavyotia hofu wananchi .
Picha za wauaji wanaosakwa Pwani:
A
unnamed

1 comments:

Anonymous said...

Mungu wape uvumilivu waliotepatwa na misiba na Mungu wape ujasiri majeshi yetu kwani watu wanaojificha ni vigumu kuwapata kiurahishi ni sawa na wadudu waharibibu wanajificha aridhini na kuharibu mimea ili kuwapata itagharimu sana ili pasitokee tena haya mambo wananchi wema watoe taarifa za usiri kukomesha mauaji haya uislamu hauelekezi kuua na uislam ni aman sio majina siasa pia zisitufanye kuleteana uhasama tuwe ndugu moja Mungu ibariki Tanzania na wananchi wake wote

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE