DOWNLOAD MATUKIO DAIMA APP HAPA

https://play.google.com/store/apps/details?id=com.matukiodaima

May 27, 2017

MISRI WALIPIZA KISASI MAUAJI YA WAKRISTO 28 ...

Mazishi ya baadhi ya watu waliouwawa
                Wanajeshi wa Misri wametekeleza mashambulizi ya angani katika taifa jirani la Lybia ambapo wamelenga kambi za mazoezi za wapiganaji wa kijihadi.

Maamlaka zinasema mashambulizi hayo karibu na mji wa mashariki wa Derna ni ya kulipiza kisasi shambulizi la hapo jana katikati mwa Misri.


Watu 28 waliuwawa baada baada ya washambuliaji waliojifunika nyuso kuvamia basi lililokuwa limebeba wakristo wa dhehebu la Coptic.


Misri ilianza mashambulizi ya kulipiza kisasi saa chache tu baada ya mauaji hayo, hata kabla ya kundi lolote kutoa madai ya kuhusika na shambulizi hilo.


Basi hilo lilikuwa likipita kwenye barabara ya jangwani likielekea kwenye makao ya watawa.
Vyanzo vya idara ya jeshi vinaarifu kwamba wanaanga wa Misri walitekeleza mashambulizi sita katika kambi iliyo karibu na mji wa Derna mashariki ya Lybia.


Maamlaka zinasema zilidhibitisha kwamba washukiwa wa shambulizi la jana walipokea mafunzo ya kivita katika kambi hiyo.


Sio mara ya kwanza ambapo misri imetekeleza mashambulizi sawa na hayo nchini Lybia karibu na mpaka wake wa magharibi.


Mwaka 2015, Misri ilitekeleza mashambulizi ya angani baada ya kundi la kigaidi la Islamic state kutoa kanda ya video ikionyesha mauaji ya wakristo 21 wa dhehebu la coptic.


Rais wa Misri Abdel Fattah al Sisi anasema Misri itawalinda raia wake vilivyo, na itashambulia mahali popote pale.

0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE