DOWNLOAD MATUKIO DAIMA APP HAPA

https://play.google.com/store/apps/details?id=com.matukiodaima

April 10, 2017

YOTE MAKUBWA YALIYOJIRI BUNGENI ASUBUHI YA LEO


A
Naibu Spika wa Bunge la Jamhuri ya Muungano wa Tanzania Mhe. Dkt Tulia Ackson akiongoza kikao cha nne cha Mkutano wa saba wa Bunge la 11 linaloendelea Mjini Dodoma.
A 1
 Naibu Waziri wa Nchi Ofisi ya Rais TAMISEMI Mhe. Suleimani Jafo akijibu hoja mbalimbali za wabunge katika kikao cha nne cha Mkutano wa saba wa Bunge la 11 linaloendelea Mjini Dodoma.
A 2
Waziri wa Fedha na Mipango Mhe. Dkt. Philip Mpango akijibu hoja mbalimbali za wabunge katika kikao cha nne cha Mkutano wa saba wa Bunge la 11 linaloendelea Mjini Dodoma.
A 3
Waziri wa Mambo ya Ndani ya nchi Mhe. Mwigulu Nchemba akijibu hoja mbalimbali za wabunge katika kikao cha nne cha Mkutano wa saba wa Bunge la 11 linaloendelea Mjini Dodoma.
A 4
Mbunge wa Viti maalum  Morogoro (CHADEMA) Mhe. Devotha Minja  akitoa hoja Bungeni katika kikao cha nne cha Mkutano wa saba wa Bunge la 11 linaloendelea Mjini Dodoma.
A 5
Waziri wa Mambo ya Ndani ya nchi Mhe. Mwigulu Nchemba(kulia) na Waziri wa Afya Maendeleo ya Jamii Jinsi Wazee na Watoto Mhe. Ummy Mwalimu wakifuatilia kikao cha nne cha Mkutano wa saba wa Bunge la 11 linaloendelea Mjini Dodoma.
Picha zote na Raymond Mushumbusi MAELEZO Dodoma.
SERIKALI YAFAFANUA UINGIZAJI WA MAYAI KUTOKA NJE, MAPAMBANO DHIDI YA KIFUA KIKUU NA MASHIRIKA NA TAASISI ZA UMMA KUJIUNGA NA NHIF.
Dodoma,Jumatatu, 10 April, 2017.
Serikali imefafanua kuhusu uingizaji wa mayai kutoka nje, mapambano dhidi ya  kifua kikuu na mashirika na taasisi za umma kujiunga na Mfuko wa Bima wa Taifa  na utaratibu wa michezo ya bahati nasibu hapa nchini. Ufafanuzi huo umetolewa leo mjini hapa.
Zuio la Uingizaji wa Mayai kutoka Nje.
Serikali imesema kuwa hakuna mwekezaji yeyote aliyeruhusiwa kupewa kibali cha kuingiza vifaranga au mayai ya kuku nchini kwa ajili ya biashara.
Katika kusimamia hili, kuanzia mwaka 2013 hadi 2017 vifaranga 67500 vilivyoingizwa   nchini kinyume na sheria viliteketezwa.
Akifafanua kuhusu hoja hiyo, Naibu Waziri wa Kilimo,Mifugo na Uvivu, Mhe.William Ole Nasha amesema wako wawekezaji wachache ambao hupewa vibali maalum vya kuingiza mayai au vifaranga wa kuku wazazi(Parent Stock) tu na ukaguzi kwa ajili ya kudhibiti uingizaji vifaranga na mayai unaendelea na hatua kali zinachukuliwa kwa yeyote anayekamatwa kwa kukiuka utaratibu.
Mapambano dhidi ya kifua kikuu na Silicosis
Serikali imesema kuwa inafahamu changamoto ya uwepo wa magonjwa ya kifua kikuu na Silicosis katika maeneo ya wachimbaji wa Madini. Kwa upande wa Kifua Kikuu inakadiriwa kuwa tatizo hilo ni kubwa ikilinganishwa na hali halisi katika maeneo mengi.
Kwa upande wa Silicosis kumekuwepo na ripoti za wagonjwa wachache katika hospitali za Serikali ikiwemo Kibong’oto ambao ni wachimbaji wadogo wadogo wa madini.
Naibu Waziri wa Afya,Maendeleo ya Jamii,Jinsia,Wazee na Watoto, Dkt. Khamis Kingwangalla amesema Serikali kupitia Halmashauri zilizo katika maeneo ya migodi imeanza kuweka mikakati ya kudhibiti magonjwa haya na pia kutoa elimu kwa wachimbaji namna ya kujikinga na vumbi na kutumia njia sahihi za uchimbaji.
Ameongeza kuwa Serikali itaongeza wigo wa huduma katika vituo vya afya kwenye maeneo yaliyoathirika, hususan Mkoa wa Geita ili vituo viwe na uwezo wa kuchunguza na kutibu magonjwa hayo na kuwajengea uwezo wataalamu wa Afya katika kuhudumia wagonjwa katika maeneo ya migodi.
Mashirika na Taasisi za Umma kujiunga na Mfuko wa Taifa wa Bima ya Afya.
Serikali imesema kuwa hadi kufikia tarehe 31/12/2016, Idara za Serikali,Taasisi na Mashirika ya Umma zinazotumia Huduma za Bima ya Afya za NHIF zimefikia 307.
Naibu Waziri wa Afya, Maendeleo ya Jamii,Jinsia,Wazee na Watoto, Dkt. Khamis Kingwangalla amesema Mashirika, Taasisi na Idara za Serikali ambazo hazijajiunga  na Mfuko huo zipo 23 zikiwemo TRA, BOT, TANESCO, NHC, TPA,PSPF, LAPF, PPF, EWURA, NCA, na GEPF.
Ameongeza kuwa Mfuko huo unaendelea na jitihada za kukutana na uongozi wa Mashirika hayo ya umma kwa lengo la kutoa elimu na kuwahimiza juu ya umuhimu  wa kujiunga kama ilivyoainishwa katika Sheria ya Mfuko.
Aidha, hadi kufikia mwezi Machi,2017 idadi ya wanachama katika Mfuko huo imefikia wanachama 792987 kutoka wananchama 474760 mwaka 2012.

Imetolewa na:
Idara ya Habari-MAELEZO.

0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE