April 27, 2017

KIONGOZI WA UPINZANI NCHINI ZAMBIA KUFUNGWA JELA AMA KUNYONGWA

Mahakama nchini Zambia imekataa leo kufuta mashitaka ya uhaini dhidi ya kiongozi wa upinzani, Hakainde Hichilema, kesi ambayo imezusha wasiwasi wa kisiasa miezi kadhaa baada ya uchaguzi nchini humo uliobishaniwa.
Kiongozi huyo wa  chama cha United Party for National Development (UPND) alikamatwa  katika  msako  wa  polisi  nyumbani kwake mwezi  huu na  alifunguliwa  mashitaka  ya  kujaribu  kuipindua  serikali  katika  mahakama  kuu. Mawakili  wa  Hichilema wamekata rufaa, wakisema  madai  hayo  hayaeleweki.
Lakini  jaji  Greenwell Malumani  aliiambia  mahakama  iliyokuwa  imejaa  watu  kwamba  mahakama  hiyo  haina  mamlaka  ya kufuta madai  hayo na  kuipeleka  kesi  hiyo katika  mahakama  kuu.
Zambia  ilikuwa  moja  kati  ya  nchi  zenye utulivu  mkubwa  katika  eneo  la  kusini  mwa  Afrika  hadi  pale  mahusiano yalipoharibika  kati  ya  serikali  na  upinzani mwezi  Agosti, wakati  chama  cha  Rais  Edgar Lungu  cha  Patriotic  Front  kukishinda chama  cha  UPND katika  uchaguzi uliogubikwa  na  machafuko.

0 comments:

Post a Comment

AHSANTE KWA KUENDELEA KUPATA HUDUMA ZETU PIA KUJITANGAZA NASI IWAPO UNAHABARI AMA TANGAZO WASILIANA NASI 0754 026299 Email . fgodwin94@gmail.com , ANGALIZO KUMBUKA KILA MMOJA ANA MTAZAMO WAKE HIVYO TUMIA LUGHA NZURI KATIKA KUTOA MAONI YAKO IWAPO UTASHINDWA BASI NI HERI USITOE MAONI SI LAZIMA ILI KUEPUSHA MAKWAZO KWA MWINGINE