MKANDARASI GEOFREY MUNGAI ASAIDIA CHAKULA YATIMA VITUO VITATU IRINGA

Mkandarasi Geofrey  Mungai  akimnywesha  uji  mtoto  wa   kituo  cha yatima  Tosamaganga  jana  baada ya  kufikia  kituoni hapo  kutoa  msaada  wa  chakula  cha sikukuu

Mungai  akitoa  msaada  wa  mafuta na  vyakula  kituo cha watoto  yatima  Tosamaganga 

Mtoto  yatima  wa  kituo cha  Tosamaganga  akifurahi  na Mungai

Mungai akiwa  na  watoto  yatima  wa  kituo  cha DBL

MKANDARASI  maarufu  mkoani  Iringa  Geofrey Mungai  ametoa msaada  wa chakula cha  Mwaka  mpya chenye  thamani ya  shilingi  milioni 3 kwa vituo vitatu  vya  yatima  kikiwemo  cha Daily Bread life childreans home (DBL)cha mkimbizi  katika  Manispaa ya  Iringa huku  akimpongeza Rais Dkt  John  Magufuli kwa kuendelea kusaidia yatima Iringa.

 

Akikabidhi msaada   huo  jana kwa  nyakati  tofauti  katika  kituo  cha DBL   ,Lugalo  na  Tosamaganga ,Mungai  alisema kuwa  umekuwa ni  utamaduni  wake na  familia  yake  kutoa chakula na mavazi  kwa yatima siku  za  sikukuu kila mwaka 

 

Mungai  alisema  kuwa  amelazimika  kutoa zawadi  hizo  za  sikukuu  kwa watoto hao  kama njia ya  kuwajali  na kuwafanya  yatima  hao kufurahia  sikukuu  kama  watoto  wenye  wazazi .

 

Hata  hivyo  alitaka  jamii  kuendelea  kuwakumbuka  watoto hao  yatima badala ya  kuendelea kuwatenga na kuwanyanyapaa kwa madai  kuwa watoto hao  yatima hawakupenda  kuwa  yatima ila ni mipango ya Mungu na kuwa  jamii  kuendelea kuwabagua ni kuongeza unyanyapaa kwa watoto hao wasio na hatia mbele  za Mungu.

 

Pia  alisema  kuwa  kupitia kampuni yake  ya ukandarasi  mkoani  Iringa  amekuwa na kawaida ya kutenga bajeti  kwa ajili ya  kuwasaidia  watoto wa kituo  hicho  cha DBL  na vingine mkoani Iringa   na kuwa ataendelea  kufanya  hivyo kwa  kuwaweka  jirani  zaidi  watoto hayo kama  sehemu ya familia  yake.

 

Aidha  Mungai  alipongeza  jitihada  kubwa   zinazofanywa na uongozi  wa  kituo  hicho katika kuwalea  yatima hao na  kuwa  mbali ya  kuwepo kwa vituo  vingi  vya  yatima  ila kituo  hicho kimekuwa  kikiwalea yatima  hao  kama familia na kuwa ni vigumu  kuweza kuamini kama watoto hao ni yatima  kutokana na maisha  wanayoishi  kituoni  hapo.

Alisema  jitihada  mbali mbali  zimekuwa zikifanywa na vionngozi wa  serikali akiwemo Rais Dkt  Magufuli kuona  jamii yenye matatizo wakiwemo  yatima  hao  wanapata zawadi mbali mbali kipindi  cha  sikukuu.

Hivyo  aliiomba  jamii kuiga mafano wa Rais katika  kuwajali  watoto  yatima  kwa   kuwakumbuka wakati wa  sikukuu mbali  mbali .

 

  mkurugenzi  mtendaji  wa  kituo  hicho mchungaji Mpeli Mwaisumbe mbali ya kumpongeza Geofrey Mungai na familia  yake  kwa kutoa msaada  huo   pia  alisema  kuwa Mungai amekuwa bega kwa  bega  na  kituo  hicho .

Mchungaji Mwaisumbe  aliwataka   viongozi wa dini  kufanya kai ya  kuliombea  Taifa  pamoja na  Rais Dkt Magufuli  kwa  kazi  kubwa na nzuri  anayoifanya  badala ya  viongozi wa  dini  kutumia  nyumba za  ibada kuishambulia   serikali .

Mkurugenzi  wa kituo hicho Mchungaji  Neema Mpeli  akishukuru  kwa  msaada  huo  alisema  kuwa jitihada  zinazofanywa na  mkandarasi  Mungi  katika  kuwakumbuka   watoto  hao  ni kubwa  na  kuwa amekuwa kiunganishi kati ya  watoto  hao  na familia  yake .

 

 

 

Read More

JAFO ATAKA WAUGUZI WAPATIWE MAFUNZO YA DAWA ZA USINGIZI

WAZIRI wa Nchi, Ofisi ya Rais, Tawala za Mikoa na Serikali za Mitaa(TAMISEMI) Selemani Jafo amezitaka Ofisi za wakurugenzi wa Halmashauri za wilaya nchini kuteua wauguzi kati ya wawili hadi wanne kwa kuwapeleka kwenye mafunzo maalum ya dawa za usingizi ili waweze kutoa huduma hiyo wakati wa upasuaji kwenye vituo vya afya.

Waziri Jafo ametoa maelekezo hayo ya serikali leo alipokuwa anakagua uboreshaji wa kituo cha Afya Mima kilichopo Halmashauri ya wilaya ya Mpwapwa mkoani Dodoma.

Amesema mafunzo hayo yawe ya muda mfupi na muda mrefu ili kujiweka tayari katika kuwahudumia wananchi ipasavyo kwenye huduma za upasuaji kutokana na serikali ya awamu ya tano kwasasa inaboresha vituo vya afya nchini kwa kuvijengea vyumba vya upasuaji na miundombinu mbalimbali.

"Wakati tunaendelea kuboresha vituo vya afya hapa nchini niwatake wakurungezi wa halmashauri na waganga wakuu wa wilaya zote kuwawezesha wauguzi wenu katika fani za dawa za usingizi kwa kutumia chuo cha Muhimbili, KCMC, na vyuo vingine hapa nchini ili kazi hii ya ujenzi inapokamilika na vifaa vya upasuaji vitakapoweka ninyi muwe mmejiandaa na sio kubweteka mnasubiri kila jambo muelekezwe,”Amesema Jafo

Ameongeza “Nataka mujiongeze kwani japo serikali tunaendelea kuajiri madaktari na wauguzi lakini nyinyi mnapaswa pia kujiongeza kwenye hili ili wananchi wetu waweze kupata huduma bora,".

Katika ziara yake wilayani Mpwapwa, Waziri Jafo amefanikiwa kukagua miradi mingine ya ujenzi ikiwemo barabara za lami zinazojengwa na Wakala wa barabara mijini na vijijini(Tarura) katika mji wa Mpwapwa na mradi wa maji wa kijiji cha Mima.

Read More

AJALI YA BARABARANI YAUWA WATU 34 NCHINI KENYA

Habari kutoka Kenya zasema kuwa watu 34 wamefariki katika ajali nyingine mbaya ya barabani, iliyotokea mapema Jumapili asubuhi.

Watu 16 wamejeruhiwa wengi wao wakiwa katika hali mahututi, baada ya Basi moja la abiria kugongana ana kwa ana na lori la mizigo, katika maeneo ya barabara ya Sachangwan/ Salgaa, takriban kilomita 200 kutoka mji mkuu Nairobi.

Afisa mkuu wa idara ya polisi wa trafiki maeneo ya Bonde la Ufa, Zero Arome amesema ajali hiyo ilitokea mwendo wa saa tisa alfajiri, kwenye barabara kuu ya kutoka Nakuru kuelekea Eldoret Magharibi mwa Kenya.

Shirika la msalaba mwekundu nchini Kenya limeandika kwenye mtandao wake wa kijamii wa Tweeter, kuhusiana na ajali hiyo ambapo mabaki ya magari hayo yaliyohusika kwenye ajali, yangali katika eneo la tukio, huku majeruhi wakipelekwa katika Hospitali za Nakuru Level Five na ile ya Molo Sub-County.

Mapema mwezi Disemba zaidi ya watu 20 walifariki katika ajali maeneo hayo hayo.

Read More

UTAWALA WA TRUMP UMEWATUMBUA WAJUMBE WA PACHA

Utawala wa Rais wa Marekani Donald Trump umewafuta kazi wajumbe waliobaki wa baraza la ushauri kwa rais juu ya HIV na Ukimwi inayojulikana kama PACHA.

Wajumbe wa kamati hiyo walipokea barua wiki hii ikieleza kwamba uteuzi wao kwenye jopo hilo ulisitishwa mara moja kwa mujibu wa ripoti katika gazeti la The Washington Post. PACHA ilianzishwa mwaka 1995 wakati wa utawala wa rais wa zamani wa Marekani Bill Clinton ili kutoa ushauri kwa Ikulu ya Marekani-White House juu ya mikakati na sera za HIV.

Mwanasheria Scott Schoettes wa Lambda Legal

Wajumbe sita wa baraza hilo wamechukizwa na hatua ya White House juu ya sera za afya na walijiuzulu mwezi Juni. Scott Schoettes mwanasheria wa Lambda Legal, taasisi ya haki za mashoga-LGBT alikuwa mmojawao. Aliandika katika gazeti la Newsweek kuwa katika kipindi ambacho Rais wa Marekani Donald Trump hajali kuhusu watu wanaoishi na HIV.

Schoettes alisema utawala wa Trump unashinikiza usajili ambao unawaumiza watu wanaoishi na HIV na kuumiza au kugeuza hatua muhimu iliyofikiwa katika mapambano dhidi ya ugonjwa huu.

Read More

RAIS WA MADAKTARI UGANDA ASHAMBULIWA NA 'MAJAMBAZI'

Rais wa Chama cha Madaktari nchini Uganda, Daktari Anthony Ekwaro Obuku, amesema kuwa shambulizi lililofanyika dhidi yake wiki iliyopita haliwezi kumtishia kuacha kupigania maslahi ya madaktari.

“Kwa namna yoyote ile shambulizi hili haliwezi kunishawishi kwamba pengine tubadilishe mbinu [katika kuelezea madhila yetu juu ya maslahi ya madaktari] au [tusitishe mgomo] wote kwa pamoja,” Dkt Obuku ameliambia gazeti la Monitor Jumatano.

Dkt Obuku, ambaye aliongoza madaktari nchini kote kujiunga na mgomo Novemba 2017, wakidai maslahi yao yaboreshwe, alishambuliwa na wanaoshukiwa kuwa ni majambazi wakati akiwa anaingia getini nyumbani kwake eneo la Kitikifumba, Manispaa ya Kira, Jumatano.

Majambazi hao ambao walitoweka na saa yake ya mkononi, pochi yake na simu ya mkononi baada ya kuvunja dirisha lake la gari, pia walisababisha majeraha katika uso wake. Mara moja alipelekwa Case Hospital Kampala.

Dkt Obuku amesema pamoja na kuwa hataki kukubaliana na kushukiwa kuliko elezwa awali kwamba ni shambulizi la kisiasa, lakini bado anawaza vipi majambazi wa kawaida walikuwa wamevalia vizuri sana na wanazungumza Kiingereza fasaha akiliwalinganisha na wale waliomshambulia.

“Walikuwa wamevalia vizuri sana… Kwa hivyo mtu anajiuliza iwapo walikuwa majambazi au mashushu wa serikali… na vipi walijua kuwa mimi siwezi kuzungumza lugha ya Luganda… na kuwa nilikuwa najua Kiingereza,” amesema.

"Uchunguzi wa madaktari unaonyesha kuwa nilipata mpasuko wa mifupa ya usoni [mifupa inayozunguka mdomo na pua na inayoshikilia eneo la jicho, ikiwemo mifupa ya chini ya uso] na eneo la pua; ambayo imepindisha meno yangu na hivi sasa siwezi kula nyama,” amesema.

Read More

UGIRIKI INAPANIA KUTUPILIA MBALI MAOMBI YA HIFADHI YA UKIMBIZI KWA MARUBANI WA UTURUKI

Utawala nchini Ugiriki unasema kuwa, umeiomba mamlaka kuu ya mahakama nchini humo, kufutilia mbali uamuzi wa kisheria wa kumpa idhini ya uhamiaji, rubani mmoja wa helikopta, kutoka Uturuki.

Ni mmojawepo wa wanajeshi 8 waliokimbilia Ugiriki, baada ya jaribio la mwaka jana la kumpindua Rais wa Uturuki, Recep Tayyib Erdogan kutibuka.

Uturuki imeonyesha hasira kali, kuhusiana na uamuzi wa kuwapa hifadhi za ukimbizi, huku ukisema utayumbisha kabisa uhusiano wa kidiplomasia wa mataifa hayo mawili.

Wizara ya nchi za kigeni mjini Ankara, inasema kwamba Ugiriki kwa mara nyingine tena umeonyesha, bayana kuwa inawalinda na kuwakumbatia wapangaji wa mapinduzi.

Wanajeshi wengine saba wa Uturuki wamo korokoroni nchini Ugiriki, wakisubiri uamuzi wa maombi yao ya ukimbizi.

Mapema mwezi huu, waziri wa mashauri ya nchi za kigeni wa Uturuki, Mevlut Cavusoglu, alizuru Ugiriki na akasema kuwa, hataki kabisa taifa hilo kuwa maficho kwa wapangaji wa mapinduzi.

Zaidi ya watu 250 walifariki na wengine 2,196 wakajeruhiwa pale walipokuwa wakipigana na sehemu moja ya kikosi cha usalama kilichopanga mapinduzi hayo mnamo Juali 15 mwaka jana wa 2016.

Mapinduzi hayo ambayo utawala wa nchi hiyo unasema uliandaliwa nje ya nchi na Muhubiri wa kiislamu, mtoro anayeishi nchini Marekani Muhammed Fethullah Gülen Hocaefendi, yalitibuliwa

Tangu wakati huo serikali ya Rais Erdogan bado inawasaka watu wanaodhaniwa walishiriki, walipanga au walihusika kwa njia moja au nyingine.

Zaidi ya wafanyikazi wa umma wapatao 150,000 wamefutwa kazi nhuku wengine 50,000 wakikamatwa na kuzuiliwa kortokoroni.

Wapinzani wa Bwana Erdogan, wanasema kuwa hizo ni mnibu zake za kuzima upinzani na wakosoaji wake wa kisiasa.

Read More

SIKU 3 YA MAANDAMANO MABAYA IRAN

Kumeshuhudiwa misururu mibaya ya ghasia kati ya waandamanaji na walinda usalama nchini Iran.

Mikanda ya video iliyowekwa katika mitandao ya kijamii, inaonesha, waandamanaji wawili wakipigwa risasi katika mji wa Dorud- Magharibi mwa taifa hilo.

Huko Ab-har, Kaskazini mwa taifa, waandamanaji waliteketeza bango kubwa iliyo na picha ya kiongozi mkuu wa kidini wa Iran, Ayatollah Ali Khamenei.

Gari pamoja na pikipiki moja ya polisi, ziliteketezwa moto na waandamanaji huko Mashdad.

Katika mji mkuu Teh-ran, maelfu ya watu waliandamana hadi katika uwanja mmoja wa mkutano, ulioko katikati mwa mji huo, huku wakitoa wito kwa jeshi na polisi kuungana nao.

Image captionRamani ya maeneo yaliyoathirika zaidi

Mwaandishi wa BBC anasema kuwa, katika maeneo mengi ya mji mkuu, polisi na makundi ya kiusalama yenye silaha, hawakuonekana kabisa.

Awali, maelfu ya waandamanaji wanaounga mkono utawala wa nchi hiyo walikuwa na mkutano wao pia.

Katika mtandao wake wa kijamii wa Tweeter kuhusiana na hali ilivyo nchini Iran, Rais wa Marekani Donald Trump Trump, amesema kuwa utawala wa mataifa yanayokandamiza raia, huwa hayaishi kwa muda mrefu, na kwamba siku itafika wakati ambapo raia wa Iran watafanya maamuzi.

Image captionRais wa Marekani Donald Trump

Wizara ya mashauri ya nchi za kigeni nchini Iran, imepuuzilia mbali matamshi hayo ya Trump na kutaja kama ni yenye " hila na inayoambatana na udanganyifu".

Mara kwa Mara Marekani imelaani muafaka wa kimataifa uliotiwa saini mwaka 2015, chini ya utawala wa Barrack Obama, kuhusiana na mpango wa kinuklea wa Iran, ili taifa hilo liondolewe vikwazo vya kiuchumi.

Wachanganuzi wanasema kwamba, muafaka huo bado haujaleta manufaa makubwa ya kiuchumi, sawa na alivyoahidi Rais Hassan Rouhani, na huenda ni miongoni mwa yanayochangia maandamano yanayoshuhudiwa kwa sasa, nchini Iran.

Read More

MTU MOJA ATIWA MBARONI URUSI AKIHUSISHWA NA SHAMBULIZI LA ST. PETERSBURG

Mtu mmoja ametiwa mbaroni jana Jumamosi akihusishwa na shambulizi la bomu katika duka moja kubwa mjini St.Petersburg lililojeruhi watu 18.

watu wanane bado wamelazwa hospitali baada ya mripuko kutokea katika eneo la kuhifadhia mabegi ya wateja katika eneo hilo.

Wachunguzi wanasema kifaa kilichotumika katika shambulzi hilo kilichotengenezwa kienyeji kilikuwa na gram 200 za vilipuzi na kingeweza kusababisha madhara makubwa.

Idara ya usalama nchini humo haikumtaja mshukiwa wa shambulizi hilo ama kutoa maelezo zaidi kumhusu.

Kundi la itikadi kali linalojiita Dola la Kiisilamu limedai kuhusika na shambulizi hilo lakini afisa mmoja katika kamati inayohusika na masuala ya usalama katika bunge la nchi hiyo ameonesha mashaka na kusema inawezakana ikawa ni jaribio la kundi la dola la Kiisilamu kutaka kujiongezea umaarufu katika jamii.

Read More

KOREA KASKAZINI HAITAACHANA NA MPANGO WAKE WA KINYUKLIA

Korea Kaskazini imesema haitoachana na mpango wake wa silaha za nyuklia ikiwa Marekani na washirika wake wataendelea kufanya mazoezi ya kijeshi karibu na nchi yake.

Shirika la habari la Korea Kaskazini limetoa taarifa hiyo leo wakati likifanya uchambuzi wa silaha kubwa za kinyuklia zinazomilikiwa na taifa hilo pamoja na majaribio ya makombora yaliyofanywa na jeshi la nchi hiyo kwa mwaka huu.

 Korea Kaskazini ilifanya jaribio lake kubwa la makombora mnamo mwezi Septemba na kuzindua makombora matatu yenye uwezo wa kuruka kutoka bara moja hadi jingine mwezi Julai na Novemba, yaliyozusha wasiwasi kwamba huenda nchi hiyo ikawa inamiliki bomu la kinyulia linloweza kurushwa hadi nchini Marekani.

Read More

MHAKAMA MISRI YAMTIA HATIANI RAIS WAZAMANI MORSI KWA KOSA LA UCHOCHEZI

Mahakama moja nchini Misri jana Jumamosi imemtia hatiani rais wazamani wa Misri Mohammed Morsi na watu wengine 19 kwa kosa la kuikashifu mahakama.

Kutokana na kosa hilo mahakama imewahukumu kwenda jela miaka mitatu katika hukumu hiyo iliyotangazwa moja kwa moja kupitia Televisheni.

Kesi hiyo ilikuwa ikiwahusisha washitakiwa 25 ambapo watano miongoni mwao ikiwa ni pamoja na mwanaharakati maarufu wa haki za binadamu Alaa Abdel- Fattah na mchambuzi wa masuala ya kisiasa Amr Hamzawy walitozwa faini ya paundi za Misri 30,000 kila mmoja.

Abdel-Fattah anatumikia kifungo cha miaka mitano kwa kushiriki maandamano ambayo hayakuwa na kibali kisheria mwaka 2013.

 Washitakiwa wote wanadaiwa kuikashifu mahakama kwa kutoa kauli ambazo zilitangazwa ama kupitia Televisheni, radio, mitandao ya kijamiii au katika machapisho ambayo mahakama imeona ni uchochezi.

Read More

UJERUMANI YAINGIA MWAKA 2018 BILA SERIKALI MPYA

Kansela wa Ujerumani mhafidhina Angela Merkel anayekabiliwa na shinikizo kufuatia hadi sasa kushindwa kuunda serikali mpya ya muungano ikiwa ni miezi mitatu baada ya kufanyika uchaguzi mkuu, leo Jumapili aliapa kushughulikia changamoto zinazosababisha kuongezeka mgawanyiko katika jamii mnamo wakati akipigania kunda serikali iliyo thabiti.

 Katika hotuba yake ya kuukaribisha mwaka mpya Kansela Merkel alianisha vipaumbele kadhaa vya msingi ikiwa ni pamoja na kuongeza uwekezaji katika masuala ya ulinzi na usalama, kuboresha huduma za afya na elimu.

 Merkel anayekabiliwa na shinikizo la kuunda serikali mpya anajaribu kukishawishi chama cha Social Democratic SPD kukubali kuunda serikali mpya ya muungano kama ilivyokuwa miaka minne iliyopita licha ya vyama vyote hivyo viwili kutopata matokeo ya kuridhisha katika uchaguzi wa Septemba.

Read More

MAGAZETINI LEO TANZANIA JUMAPILI DECEMBER 31/2017

Read More

JAFO AWASHUKIA TBA KWA KUKWAMISHA MIRADI

Waziri wa Nchi Ofisi ya Rais TAMISEMI Mhe.  Selemani Jafo ameushukia Wakala wa Majengo nchini ( TBA) kutokana na kusuasua katika ujenzi wa miradi mbalimbali ya serikali waliyopewa na Tawala za Mikoa na Mamlaka za serikali za Mitaa(Tamisemi). 

Jafo ameonyesha kutoridhishwa na utendaji kazi wa TBA alipotembelea miradi mbalimbali ya maendeleo wilayani Ikungi mkoani Singida.

Katika ziara yake, Jafo ametembelea ujenzi wa makazi ya viongozi wa wilaya wa Ikungi ambapo muda uliopangwa kukamilisha kazi hiyo umeshapita huku kazi bado haijakamilika ambazo zinagharimu kiasi cha Sh.Milioni 700.

Kufuatia hali hiyo, Jafo ametoa miezi miwili kwa TBA kukamilisha ujenzi wa nyumba nne kwa ajili ya mkuu wilaya ya Ikungi mkoani Singida, Katibu tawala wa wilaya pamoja na watumishi wengine wa wawili ambazo zilitakiwa kukamilika tangu mwezi Septemba mwaka huu.

Jafo amesema mbali na nyumba hizo za Ikungi kuna nyumba nyingine katika wilaya ya Nkarama na wilaya mbalimbali hapa nchini ambazo zote ujenzi wake unasuasua sana licha ya Ofisi za Makatibu Tawala wa mikoa  kufanya malipo ya ujenzi wa majengo hayo TBA, pia

baadhi ya shule kongwe zinazo karabatiwa na TBA kasi ya utekelezaji ni ndogo.

“TBA mmekuwa na matatizo katika maeneo mengi sana kama hamuwezi mtuambie muendelea na kazi mnazopewa na serikali kuu sisi huku serikali za mitaa mtuache tuwape watu wengine wapo watu wanajengaa vizuri na kwa wakati kuliko nyinyi  tutawapa hata Suma JKT ambao pia wanao  tu katika kazi kama hizi “amesema Jafo.

Jafo ameitaka TBA kuyakamilisha majengo hayo haraka kabla ya mwezi Februari mwaka 2018 kwani viongozi wa wilaya wanateseka kwa kukosa makazi na Ofisi na pia ujenzi wa shule Kongwe walizopewa watoto wanakosa miundombinu bora.

Kwa upande wake, Mkuu wa wilaya hiyo Miraji Mtaturu, amesema kutokana na jengo la ofisi ya mkuu wa wilaya kutokamilika anatumia jengo ambalo lilikuwa darasa.

Read More