Matukio Daima

Tembelea kila siku kwa habari na matukio mbali mbali..

Matukio Daima

Kwa Habari za Kitaifa.

Matukio Daima

Kwa Habari za Kimataifa.

Matukio Daima

Kwa Habari za Uchumi na Biashara.

Matukio Daima

Kwa Habari za Michezo na Burudani.

December 31, 2013

NAKUTAKIENI MWAKA MPYA WA 2014 MWEMA NA WENYE MANANIKIO TELE

Bwana asema hivi, mwenye hekima asijisifu kwa sababu ya hekima yake .wala mwenye nguvu asijisifu kwa sababu ya nguvu zake ,wala tajiri asijisifu kwa sababu ya utajiri wake ,bali ajisifu kwa ababu hii ya kwamba ananifahamu mimi na kunijua ya kuwa mimi ni bwana nitendaye wema na hukumu na haki ktk nchi maana mimi napendezwa na mambo hayo asema Bwana , Yer.9:23-24 nasema kweheri mwaka 2013 na karibu mwaka 2014 kwa amani

MBUNGE MSINGWA AMCHARUKIA ZITTO KABWE KUWA SI MAARUFU KULIKO CHADEMA ,AMPONGEZA RAIS KIKWETE KWA RASMI YA KATIBA MPYA

Wananchi wa jimbo la Iringa mjini  wakiwa katika mkutano wa mbunge Peter Msigwa leo 

Mbunge wa  jimbo al Iringa mjini Mchungaji Peter Msigwa akiwahotubia  wananchi wa jimbo la Iringa mjini  leo katika uwanja  wa Mwembetogwa .


...................................................................................................
MBUNGE  wa  jimbo la  Iringa  mjini mchungaji peter Msigwa amemshukia  mbunge wa  jimbo  la Kigoma  kaskazin Bw  Zitto kabwe  kuwa  si  maarufu kuliko Chama cha Demokrasia na maendeleo ( Chadema)  huku  akiwapongeza  mawaziri  watatu  wa  JK akiwemo naibu waziri wa maji Dr  Binilith Mahenge na waziri  wake  Jumanne Maghembe  kuwa  si mawaziri mizigo ndani ya baraza la   mawaziri wa serikali ya  Kikwete.

 Mbali ya  kuwapongeza  mawaziri hao  pia   mbunge Msingwa  pia amempongeza Rais Dr Jakaya  Kikwete  kwa kukamilisha mchakato    na msimamo wake juu ya rasmi mpya  ya katiba ya jamuhuri ya muungano wa  Tanzania.

Mbunge  Msingwa akiwahutubia  wananchi  wa  jimbo la Iringa mjini leo katika  viwanja vya Mwembetogwa  alisema  kuwa mbali ya CCM kuwaona  baadhi ya mawaziri  wa chama chao ni mizigo ila kwa upande wake anapenda kuwapongeza  baadhi  ya  mawaziri ambao  utendaji kazi wao unaonekana  akiwemo    waziri wa wizara ya maji na  naibu wake ,waziri wa ujenzi na  waziri wa mazingira  ambao wameonyesha  msimamo wa kweli katika  kuwatumikia  wananchi .

katika hatua nyingine  mbunge Msigwa  amemshukia  aliyekuwa naibu katibu mkuu wa Chadema Bw   kabwe kuwa anatafuta umaarufu binafsi  kuliko  kujijenga chama  chake na  kuwa  Kabwe hana nia njema  na Chadema na  kuwataka  wanachadema jimbo la Iringa mjini  kutomsikiliza Zitto kabwe kwa lolote .

Kwani  alisema  kuwa mwanachama na kiongozi mzuri ni  yule ambae  anafanya kazi ya  kukijenga  chama na  si kujijenga  yeye binafsi na kuwa anachofanya  Zitto ni  udhaifu mkubwa  na  hapaswi kuachwa kuendelea  kulisha  watu maneno ya  kuua  chama.

Alisema  kuwa iwapo  Zitto  leo  hataki kumusikiliza mwasisi wa Chama  hicho mzee Mtei  wala  kuwasikilizA  viongozi wa juu wa chama  hicho akiwemo  mwenyekiti wa katibu mkuu ni  wazi hakitakii mema  Chadema na wana  Chadema hawana budi kumpuuza kiongozi na mwanachama yeyote mwenye lengo la kuua chama.

Mbunge Msigwa aliwataka   wananchi wa jimbo la Iringa mjini  kunyosha  mikono juu kwa wale ambao  wanataka Zitto kabwe kufukuzwa ndani ya  chama na umati wote uliokuwepo uwanjani hapo ulinyosha mikono  kukubali aliyekuwa katibu mkuu wa Chadema Bw kabwe  kuondolewa .

Kuhusu rasmi  ya katiba   Mbunge  Msigwa alimpongeza  rais Kikwete  kuwa ameonyesha ushujaa wa hali ya juu  katika kupigania  upatikanaji wa katiba mpya  na  kuwa  iwapo  wabunge wa CCM watapinga  wao kama  Chadema  watarudi kwa wananchi   kuhamasisha ile  kupiga kura ya kuikataa  katiba  itakayopendekezwa na wabunge wa CCM.

Pia  mbunge Msigwa amewachana viongozi wa CCM akiwemo katibu mkuu wake na katibu wa itikadi na uenezi  kuwa ni wanafiki  wakubwa ambao  leo  wameteka   hoja ya  Chadema na  kuwapinga   mawaziri mizigo.

..........Itaendelea kesho  ungana  nasi ........................

WATU WAWILI WAPOTEZA MAISHA WENGINE WAPOTEZA FAHAMU NDANI YA KISIMA CHA MAJI

Na Elizabeth Ntambala, Sumbawanga

WATU wawili wamekufa na wengine watatu wamepoteza fahamu,wote wakiwa
ni wakazi wa kitongoji cha Chanji Soweto mjini Sumbawanga mkoani
Rukwa, baada ya kukosa hewa wakiwa ndani ya
shimo la kisima cha maji walilokuwa wakichimba.

Kamanda wa Polisi mkoa wa Rukwa, Jacob Mwaruanda alisema kuwa tukio
hilo lilitokea jana nyakati za saa mbili asubuhi katika kitongoji
hicho na kuwataja waliofariki kuwa ni Juma Kaniki (43) na Jonas
Mwamburutu (37) ambao walikuwa wakifanya kibarua cha kuchima shimo la
maji nyumbani kwa Patrick Mwakyusa (37).

Katika tukio hilo awali mwenye nyumba hiyo alimwajiri Mwamburutu
kufanya kazi ya kusafisha kisima hicho ambacho kilichimbwa na kujengwa
miezi mitatu  iliyopita lakini kilishindwa kutoa maji hali
iliyomlazimu kukifanyia usafi ili kiweze kutoa maji.

Licha ya Mwamburutu kukbali kufanya kazi hiyo lakini alipoingia
alishindwa kutoka na ndipo mwenye nyumba hiyo alipoomba msaada wa watu
ili kuweza kumtoa lakini watu watatu wa mwanzo walioingia kwa nyakati
tofauti waliishia njia na kuomba msaada wa kutolewa ndani ya shimo
hilo wakilalamikia kukosa pumzi.

"Baada ya watu hao kushindwa ndipo alipokuja huyo Juma , akasema yeye
anaweza kumtoa mtua aliyekuwamo ndani ya kisima hicho ndipo
tulimshauri kuwa tumfunge kamba kwanza ili akiishiwa pumzi tumvute
lakini alikataa akidai kuwa yeye ni mzoefu, na alifanikiwa kufika hadi
alipo marehemu na alimfunga kamba na kututaka tumvute, lakini kabla
hatujafanyahivyo alianza kupiga kelele kuwa naye anaishiwa pumzi,
baadaye akafa" alisema mmoja ya majirani ambaye hakutaka kutajwa jina
lake.

 Harakati za kutoa miili ya marehemu hao ndani ya kisika hicho
kinachokadiriwa kuwa na urefu wa futi 24 ziliendelea kuanzia sa 5
asubuhi ambapo watu watatu tofauti wakiwapo askari polisi na wale wa
kikosi cha Zimamoto kwa kushirikiana na raia ziliendelea ambapo watu
wawili zaidi walioingia ndani kisima hicho walipoteza fahamu na
kukimbizwa hospitali.

"Jioni ya ilitulazimu kuanza kuchimba kisima hicho pembe kwa udongo na
ndipo alipofika mtu aliyejiita kuwa ni mganga wa jadi na liingia ndani
ya kisima baada ya kujipaka madawa lakini alizidiwa na kutolewa nje
akiwa na hali mbaya huku akipiga makelele ya kuomba msaada, huku
baadhi ya waokoaji wakizusha kuwa kulikuwa na kitu kilichodaiwa
kuwavuta wanapoingia ndani ya shimo hilo,". alisema mmoja wa waokoaji.

Juhudi za kuopoa miili ya marehemu hao zilifanikiwa saa mbili usiku
baada ya mtu mmoja aliyedai kuwa ni askari mstaafu wa JWTZ
aliyejitambulisha kwa jina moja la Kipatuka aliyezama mara tatu katika
shimo hilo na kufanikiwa kuwafunga kamba marehemu hao kisha miili ya
kuvutwa nje.

Akizungumza mara baada ya kukamilisha kazi ya kuopoa miili hiyo
Kipatuka alikanusha uwepo wa kitu kilichokuwa kikiwavuta marehemu hao
isipokuwa kulikuwa na mkandamizo mkubwa wa hali hewa kulikowafanya
marehemu hao kukosa pumzi na kuanguka kwa kutanguliza vichwa vyao
chini.

Hatahivyo licha ya tukio hilo umati mkubwa watu waliofika katika tukio
hilo walikosoa Idara ya Ardhi ya Manispaa ya Sumbawanga kuwaruhusu
watu wanaoishi kwenye eneo hilo kujenga karibu na mto Lwiche ambako
pia wamechimba visima vya maji ndani nyumba zao pasipo kibali, licha
ujenzi holela unaoendelea katika eneo hilo kiasi cha hata vyombo vya
uokoaji kushindwa kufika.
Mwisho.

RAIS KIKWETE AMWAPISHA IGP MPYA PAMOJA NA NAIBU WAKE LEO

 Rais Jakaya Mrisho Kikwete akimwapisha Inspekta Generali wa Polisi (IGP) mpya Afande Ernest Mangu katika viwanja vya Ikulu jijini Dar es salaam jioni hii
  Rais Jakaya Mrisho Kikwete akimpatia nyenzo za kazi baada ya kumuapisha Naibu  Inspekta Generali wa Polisi (IGP) mpya Afande Abdulrahman Kaniki katika viwanja vya Ikulu jijini Dar es salaam jioni hii
  Rais Jakaya Mrisho Kikwete, Makamu wa Rais Dkt Mohamed Ghalib Bilali na Katibu Kiongozi Balozi Ombeni Sefue katika picha ya pamoja na Inspekta Generali wa Polisi (IGP) mpya Afande Ernest Mangu na naibu wake Naibu IGP Afande Abdulrahman Kanini katika viwanja vya Ikulu jijini Dar es salaam jioni hii
 Rais Jakaya Mrisho Kikwete, Makamu wa Rais Dkt Mohamed Ghalib Bilali Mawaziri na Katibu Kiongozi Balozi Ombeni Sefue katika picha ya pamoja na Inspekta Generali wa Polisi (IGP) mpya Afande Ernest Mangu na naibu wake Naibu IGP Afande Abdulrahman Kanini katika viwanja vya Ikulu jijini Dar es salaam jioni hii
  Rais Jakaya Mrisho Kikwete akiwa katika picha ya pamoja na IGP mpya Afande Ernest Mangu,  Naibu  Inspekta Generali wa Polisi (IGP) mpya Afande Abdulrahman Kaniki pamoja na IGP mstaafu Afande Saidi Mwema katika viwanja vya Ikulu jijini Dar es salaam jioni hii
 Rais Jakaya Mrisho Kikwete akiwa katika picha ya pamoja na IGP mpya Afande Ernest Mangu,  Naibu  Inspekta Generali wa Polisi (IGP) mpya Afande Abdulrahman Kaniki katika viwanja vya Ikulu jijini Dar es salaam jioni hii. PICHA NA IKULU

SHUKURANI TOKA KWA FAMILIA YA MRUMA


Familia ya Mruma ya Dar es Salaam na Ugweno, Mwanga inatoa shukurani nyingi
kwa ndugu,jamaa,marafiki, majirani na Watanzania wote waliojitokeza kuwa
nao kwa njia tofauti katika kipindi cha msiba wa mtoto wao mpendwa Jerry
ambaye alifariki dunia Nairobi tarehe 17 Novemba na kuzikwa Dar es Salaam
tarehe 26 Novemba 2013.



Ni vigumu kutoa shukurani hizi kwa majina. Kwa njia ya kipekee, tunaomba
tuwataje wachache kwa niaba ya wote kama ifuatavyo:
Mheshimiwa Dr. Jakaya Mrisho Kikwete, Rais wa Jamhuri ya Muungano wa
Tanzania, Balozi wa Tanzania Kenya Mh. Dr. Batilda Burian na wafanyakazi
wa ubalozi, Mamlaka ya Mawasiliano Tanzania (TCRA), Mfuko wa Taifa wa
Hifadhi ya Jamii (NSSF), Kampuni ya magazeti ya Serikali ( Daily News na
Habari Leo); Uongozi na wanafunzi wa Chuo Kikuu cha USIU, Nairobi; Lee
Funeral Home, Nairobi; Bwana na Bibi Mutinda wa Athi River, Nairobi; Bwana
na Bibi Ouma wa Kitengela, Nairobi; Hoteli ya Ololoitikoshi
Resort, Kitengela; Mchungaji Kiongozi na wazee wa Usharika wa Mbezi Beach
wa Kanisa la Kiinjili la Kilutheri Tanzania (KKKT), Jumuiya ya Betheli,
Mbezi Beach; Mheshimiwa CD Msuya; Waheshimiwa Wabunge wa Bunge la Afrika
Mashariki - Mh. Angela Kizigha, Mh. Nderakindo Kessy, Mh.Shyrose Bhanji,
Bwana na Bibi Kachenje wa Mbezi Beach; Swissport Dar es Salaam; Qnet
Kenya; Love Titans - Nairobi, Kenya; Kibosho Girls Reunion, Mbezi Beach Family.

 
Katika kipindi kama hiki ni rahisi kuishiwa na maneno ya kuelezea faraja
tuliyopata kwa namna mlivyokuwa nasi wakati wote na pia mlivyotuombea.
Maneno pekee yanayokuja haraka ni AHSANTENI SANA, MUNGU AENDELEE
KUWABARIKI.









HAFLA YA KUKABIDHI RASIMU YA PILI YA KATIBA

 Rais Jakaya Mrisho Kikwete akilakiwa na Mwenyekiti wa Tume ya Mabadiliko ya Katiba Mhe. Joseph S. Warioba mara baaada ya kuwasili katika viwanja vya Karimjee Hall kupokea Rasimu ya Pili ya Katiba. Kulia ni Mhe. Assaa Rashid, Katibu wa Tume ya Mabadiliko ya Katiba, 
 Rais Kikwete akisalimiana na Mhe Assaa Rashid, Katibu wa Tume ya Mabadiliko ya Katiba, 
 Rais Kikwete akisalimiana na Jaji Mkuu wa Zanzibar Mhe Omar Othman Makungu huku Jaji Mkuu wa Tanzania Bara Mhe Mohamed Chande Othman, Spika wa Bunge la Muungano Mhe Anne Makinda na Spika wa Zanzibar Mhe Pandu Ameir Kificho wakisubiri zamu zao
 Rais Kikwete akimuamkia  na Rais Mstaafu Alhaj Ali Hassan Mwinyi
 Rais Kikwete akimuamkia Waziri Mkuu Mstaafu Mhe Cleopa David Msuya
 Meza kuu
 Sehemu ya wajumbe wa Tume ya Mabadiliko ya Katiba
 Jukwaa kuu la pili
 Sehemu ya wajumbe wa Tume ya Mabadiliko ya Katiba
 Waziri Mkuu Mstaafu Dkt Salim Ahmed Salim akiwa na wajumbe wenzie wa Tume na maofisa wa serikali
 Dkt Asha Rose Migiro, Mama Amne Salim na Mama Warioba
 Sehemu ya wananchi walioshuhudia tukio hilo la kihistoria
 Wananchi wakiwa katika hafla hiyo
 Wananchi wakifuatilia hafla hiyo
 Watangazaji wa TBC wakiwa kazini kurusha live tukio hilo
 Baadhi ya wazee mashuhuri katika hafla hiyo. 
 Wadau mbalimbali
 Wadau katika hafla hiyo
 Sehemu ya viongozi wa vyama vya siasa
 Wadau wa habari 
 Wanasheria nguli, Mzee Mark Bomani na Profesa Issa Shivji wakiwa miongoni mwa wadau
 Balozi wa Jamhuri ya Kidemokrasia ya Kongo Mhe Alfani Mpango akijumuika na wadau
 Baadhi ya viongozi wa vyama vya siasa na mabalozi
 Wadau na maafisa wa serikali
 Maafisa wa ofisi wa Masajili wa vyama
 Wadau
 Wadau na maafisa mbalimbali
 Makatibu wakuu
 Mawasiri wa Serikali ya Mapinduzi ya Zanzibar
 Mawaziri wa Bara na Zanzibar
 Mawaziri, wabunge na maafisa wa serikali
 Sehemu ya mawaziri wa bara na wa Zanzibar
 Msajili wa vyama vya siasa Jaji Mutungi (wa tatu kushoto) akiwa ameketi na wabunge na viongozi wa vyama mbalimbali 
 Sehemu ya waliohudhuria hafla hiyo
 Meza kuu ikimsikilia Mwenyekiti wa Tume ya Mabadiliko ya Katiba Mhe. Joseph S. Warioba 
 Rais Kikwete akimkabidhi Sir George Kahama nakala ya Rasimu ya Pili ya Katiba
 Rais Kikwete akiwakabidhi Mzee Hassan Nassoro Moyo na Jenerali Sarakikya nakala ya Rasimu ya Pili ya Katiba
 Rais wa Zanzibar na Mwenyekiti wa Baraza la Mapinduzi Dkt Ali Mohamed Shein akisoma hotuba yake
 Rais Kikwete akihutubia
 Wabunge na wadau wengine wakifurahia hotuba ya Rais Kikwete
 Rais Kikwete, Rais wa Zanzibar Dkt Ali Mohamed Shein na Makamu wa Rais Dkt Mohamed Ghalib Bilali wakiwapongeza wajumbe wa Tume kwa kazi nzuri
 Picha ya pamoja ya viongozi wakuu na wajumbe wa Tume
 Picha ya pamoja ya viongozi wakuu, wajumbe wa tume 
 Viongozi wakuu, viongozi wa vyama vya siasa na wajumbe wa Tume
 Katibu Mkuu Kiongozi Balozi Ombeni Sefue akisalimiana na Mhe Tundu Lissu
 Wajumbe wa Tume ya Mabadiliko ya Katiba 
 Rais Kikwete akiongea na Mwenyekiti wa CUF Profesa Ibrahim Lipumba na Mwenyekiti wa NCCR Mageuzi na Mbunge wa Kuteuliwa Mhe James Mbatia
Nikiripoti kutoka hapa katika viwanja vya Karimjee ni mimi.... wa Mlimani TV
PICHA NA IKULU