ALEX KUTOKA MBEYA ANYAKUA KITITA CHA MAISHA PLUS USIKU HUU................

Aliyekuwa mgeni rasmi katika shindano la Maisha Plus usiku huu waziri wa maliasili na utalii Mh.Shamsa Mwangunga ambaye ameahidi kusaidia ofisi ya NGOs iliyoanzishwa na washiriki hao


Mshiriki kutoka mkoa wa Mbeya Alex ameweza kufanya vizuri katika shindano la Maisha Plus kwa kuibuka kidedea na kuzawadiwa kiasi cha shilingi milioni 15 usiku huu na waziri wa maliasili na utalii Mh. Shamsa Mwangunga.

Mshiriki huyo ameweza kuifanya mikoa ya nyanda za juu kusini kuweza kuonekana katika shindano hilo hasa baada ya washiriki kutoka mkoa wa Iringa kuonekana si riziki katika shindano hilo.

Mtandao huu unatoa pongezi nyingi kwa mshindi wetu wa maisha Plus na kuwataka washiriki wengine wasivunjike moyo kwani ipo siku watafanikiwa.

Hata hivyo katika kuonyesha uungwana zaidi mshindi huyo ameahidi kutoa kiasi cha shilingi 200,000 kwa wenzake walioshiriki pamoja shindano hilo.

Read More

CAMERA YA MTANDAO HUU YAFICHUA SIRI NZITO KIJIJI CHA IFUNDA KIBAONI............

Mkazi wa kijiji cha Ifunda na mfanyabiashara katika soko la Ifunda kibaoni Bw Efrehem Kibuga akionyesha choo cha kimtindo ambacho kimechimbwa na halmashauri ya wilaya ya Iringa kwa ajili ya matumizi ya wafanyabiashara wa mnada wa kijiji cha Ifunda kibaoni ,choo ambacho kinakimbiwa na wafanyabiashara bila kutumika kutokana na kutojengwa kuta wala kuezekwa.








Hali ya soko la Ifunda inatishia usalama wa afya za wafanyabiashara na walaji








Meza za soko la Ifunda zinapogeuzwa uwanja wa michezo ya watoto baada ya wafanyabiashara kukwepo kufanyia biashara zao ndani ya soko hilo lililojengwa kwa mamilioni ya shilingi na halmashauri ya wilaya ya Iringa.








Hizi ni taka taka ambazo zimetelekewa hapa kwa zaidi ya miezi 10 sasa toka soko lilipofunguliwa taka hazijapata kutolewa na kupelekea soko kukimbiwa na wafanyabiashara wa kijiji cha Ifunda.

Read More

IFUNDA WAGEUKA MBOGO KWA VIONGOZI KUHUSU MRADI WA MAJI WENYE UTATA ,MASWALI YAKOSA MAJIBU DIWANI WAO ATINGA NA VIPANDE VYA BOMBA AUMBUKA.

Diwani wa kata ya Ifunda Mh.Elia Mgwilla akiwa ameshika kipande cha bomba linalodaiwa kupasuka ovyo katika mradi wa maji Ifunda.









Ndugu zangu hili ndilo bomba linalodaiwa kupasuka?


Mwenyekiti wa serikali ya kijiji cha Ifunda kibaoni Bw.Carius Kihwele akifafanua tuhuma za utata wa mradi wa maji ,pembeni ni wajumbe wa serikali ya kijiji hicho.

Wananchi wa kijiji cha Ifunda kibaoni katika wilaya ya Iringa vijijini leo wamegeuka mbogo kwa viogozi wao wa serikali ya kijiji wakati wa mkutano wa hadhara uliofanyika katika ukumbi wa ofisi ya serikali ya kijiji kwa lengo ya kusoma mapato na matumizi pamoja na kufafanua kuhusu kilio cha wananchi wa kijiji hicho juu ya mradi tata wa maji.

Wakizungumza kwa niaba ya wananchi wengine katika mkutano huo ambao ulitawaliwa na jazba kutoka kwa wananchi kiasi cha kutaka viongozi wao kuachia ngazi nafasi zao kwa kile walichodai kushindwa kuwajibika katika fedha za umma na zile za wananchi wakazi hao akiwepo Bw.Ally Kivike, Saimon Mdewa, Ercusy Ngweta , Isaya Kiyao na Efrehem Kibuga walihoji sababu ya uongozi wa serikali ya kijiji hicho chini ya mwenyekiti wake Carius Kihwele na afisa mtendaji wake Gaspar Chavalla kuanza kulipa gharama za bili ya umeme kwa mkandarasi kupitia fedha za wananchi bila mkandarasi huyo kuikabidhi mradi halmashauri kama mkataba unavyoonyesha.

Hivyo walisema kuwa uongozi wa kijiji hicho na kata ya Ifunda unaonyesha kuwa na hisa katika mradi huo kwa kupokea fedha asilimia 10 kutoka kwa mkandarasi huyo ili azidi kutetewa na viongozi hao hata pale anapokwenda kinyume na mkataba wake.

Kwani walisema pamoja na kuwa viongozi hao kupitia diwani wa kata ya Ifunda Bw Elia Mgwilla kudai kuwa fedha zinazotekeleza mradi huo sio kiasi cha shilingi milioni 121 kama ambavyo wananchi wanavyodai bali ni karibu ya milioni 200 ila bado hawaamini hata kidogo kuona bado serikali ya kijiji ikichota fedha za michango ya wananchi na kusaidia kumchangia mkandarasi kinyume na utaratibu.

"Hivi kwanini kama mradi haujakabidhiwa Halmashauri iweje leo kijiji kianze kuchangia gharama za umeme ili kufanyia majaribio mradi ambao si wake....kama sio ufisadi ni nini hapa wananachi tunaibiwa kupitia mkandarasi tunasema hatuupokei kamwe mradi huu hata iweje"

Walisema kuwa viongozi wa kijiji na kata wamekuwa wakijichanganya wenyewe kwa kujibu tofauti juu ya mradi huo sasa wao kama wananchi wataamini vipi kama kweli yanayosemwa ndio yaliyopo .

Wananchi hao walimtaka mkurugenzi mtendaji wa halmashauri ya wilaya ya Iringa Tina Sekambo na mkandarasi waweze kufika kijijini hapo ili kujibu maswali ya wananchi kuhusu ufisadi unaofanyika katika mradi huo wa maji Ifunda.

Pia wananchi hao walimweleza diwani wa kata hiyo Elia Mgwilla kuwa kero ambazo zimekuwa zikitolewa na wananchi wa kijiji hicho katika vyombo vya habari juu ya bomba hizo si majungu na kuwa ni kweli bomba zilizofungwa kwa ajili ya mradi huo ni zile za chooni na sio za kusukuma maji katika mradi huo na ndio sababu ya bomba kupasuka mara kwa mara.

"Mheshimiwa diwani hiyo bomba ulioshika ni bomba na chooni mfano mimi kwangu nimefunga bomba kama hizo kama unabisha twende nyumbani kwangu nikafumue choo na tuangilia kama sio hizo.....sasa usitake kutufanya wananchi wa kijiji hiki ni wajinga hatujasoma kwa taarifa yako hatudanganyike na tunaelewa kuliko ninyi hapo mbele msitudanganye pia nauliza kwanini viongozi hapa mbele mnamtetea sana mkandarasi badala ya yeye mwenyewe kuja kuja kutujibu hapa." alisema Ally Kivike huku akishangiliwa na wananchi wengine mkutanoni hapo.

Mbali ya sakata hilo la maji wananchi hao wameibua suala jingine jipya kabisa la kupinga mnada kuendeshwa ndani ya uwanja wa michezo huku sehemu hiyo ikiwa haina choo jambo linalo endelea kuhatarisha afya za wananchi wanaozunguka eneo hilo.

Hata hivyo mwenyekiti wa serikali ya kijiji hicho Kihwele alisema kuwa wao kama kijiji wametoa fedha kiasi cha shilingi 200,000 zilizotolewa na Wiliam Mgimwa kwa ajili ya kumsaidia mkandarasi huyo gharama za uendedshaji wa mashine hiyo wakati wa majaribio .

Alisema fedha hizo zimetumika kulipia gharama za umeme bila kutoa mchanganua sahihi alisema kuwa wamefanya hivyo ili kumwezesha mkandarasi huyo kuufanyia majaribio mradi huo ambapo kimsingi mradi bado haujakabidhiwa halmashauri wala kijiji.

Pia aliafiki kufanyika kosa kwa mkanadarasi huyo kuanza kuingiza maji katika nyumba mbili za watu binafsi bila mradi huo kukamilika na kuwa suala hilo lilizuiwa kwa kuwa mkandarasi ameonyesha kwenda kinyume na mkataba wake kwa kuanzisha kazi mpya ambayo hakupewa kwa sasa.

Hata hivyo sakata hilo la mradi wa maji Ifunda lilikosa majibu baada ya mwenyekiti huyo kuwaomba wananchi kusubiri viongozi wa halmashauri wakiwa na wataalam wa maji ambao watafika kukagua mradi huo kabla ya wananchi kukabidhiwa rasimi.

Kuhusu mnada huo kijijini hapo mwenyekiti huyo alisema kuwa mnada huo hauingizi pato lolote katika kijiji na kuwa hata yeye anaunga mkono halmashauri kuhamisha mnada huo katika kijiji hicho.

Diwani wa kata ya Ifunda Elia Mgwilla alisema kuwa kwa kawaida wananchi wanapaswa kuchangia shughuli za kimaendeleo katika kijiji na kuwa fedha hizo zilizotolewa na sehemu ya wao kuchangia mradi huo .

Alisema kuwa kimsingi mradi huo mkandarasi anapaswa kuukabidhi halmashauri na Halmashauri ndio itakayokabidhi kwa wananchi jambo ambalo bado halijafanyika hadi sasa pamoja na kuwepo kwa matatizo ya bomba kupasuka.

Alisema wananchi wanatakiwa kuanza kuhesabu siku 90 toka maji yanapoanza mfululizo bila kukatika na kuwa hesabu yao inatakiwa kuanza kutoka hadi siku ya kwanza kabla ya makabidhiano na kama

Katika mkutano huo diwani alilazimika kuingia ndani ya ukumbi huku akiwa na vipande vya bomba ambazo zinadaiwa kupasuka ovyo ovyo kama sehemu ya mfano na elimu kwa wananchi hao.

Hata hivyo uchunguzi wa kina wa mtandao huu wa www.francisgodwin.blogspot.com umebaini kuwepo kwa ubabaishaji mkubwa katika uendelezaji wa mradi huo na suala jingine ni lile la viongozi wa kijiji na kata kudaiwa kuhusika kuziba mabomba pindi yanapopasuka kinyume na mkataba na ni moja ya kuficha uozo katika mradi huo.
yatajitokeza matatizo basi wanaweza kuukataa mradi huo na sio vinginevyo.
Mpenzi mdau wa mtandao huu ukweli halisi wa jambo hili utaupata ndani ya mtandao huu ama gazeti la Tanzania Daima au Radio Ebony Fm ambapo jitihada za kupata ukweli zinaendelea.
TAZAMA VIDEO HAPA CHINI KUHUSU SAKATA LA MAJI IFUNDA...............

Read More

SAKATA LA MAJI IFUNDA LAGEUKA MOTO KWA VIONGOZI WA KIJIJI CHA IFUNDA

Mzee Kiyao mkazi wa kijiji cha Ifunda kibaoni akihoji juu ya kusua sua mradi wa maji katika kijiji hicho



Wanachi wa kijiji cha Ifunda wakiwa katika mkutano huo unaoendelea sasa




HALI YA KUTOELEWANA IMEZUKA KIKAONI KATI YA WANANCHI NA VIONGOZI WA KIJIJI ,WANANCHI WAZIDI KUKATAA MRADI WA MAJI WATAKA MKURUGENZI AFIKE KUJIBU TUHUMA ZA UFISADI WA FEDHA ZA MAJI ,HIZI NI TAARIFA KUTOKA KIKAONI NA KIKAO BADO KINAENDELEA..........

Read More

WANANCHI KIJIJI CHA IFUNDA KIBAONI KUWAWEKA KITIMOTO VIONGOZI WAO LEO

LILE SAKATA LA MRADI WA MAJI WENYE THAMANI ZAIDI YA MILIONI 100 AMBAO UMEKAMILIKA BILA KUTOA MAJI KUJULIKANA LEO.BINAFSI NIPO IFUNDA ILI KUSHIRIKI MKUTANO WA PAMOJA KATI YA WANANCHI NA VIONGOZI WA SERIKALI YA KIJIJI AMBAPO WANANCHI WAMEPANGA KUWAWEKA KITIMOTO VIONGOZI WAO ,HABARI KAMILI NDANI YA MTANDAO HUU LEO JIONI

Read More

MWEKEZAJI KIWANDA CHA CHAI LUPEMBE AMUMALIZA MBUNGE MAKWETA JIMBONI...........

Juuu ni Mwekezaji Nawab Mulla akionyesha picha ambazo zinamtaja mbunge Makwete( kulia) kuhusika katika vikao.

Kikao cha kutafuta suluhu kati ya wakulima wa chai Lupembe na mwekezaji chageuka moto kwa mbunge wa jimbo la Njombe kaskazin mzee Jackson Makweta ambae ametajwa kuhusika ktk mgogoro huo kwa kumleta mwekezaji wa awali ambaye aliishia kukopa fedha za wakulima na kuingia mitini

Mwekezaji huyo na mwenyekiti wa CCM mkoa wa Mbeya Nawab Mulla amesema kuwa mbunge huyo anaujua mgogoro wote na chanzo chake hivyo hawezi kukwepa lawama .

Kauli ya mwekezaji huyo iliwafanya wakulima kuanza kumzomea mbunge wao huku wakimtaka akae chini ili mwekezaji azidi kumpasua jambo ambalo lilitulizwa na mkuu wa mkoa baada ya kutoa maamuzi ya busara kwa kutaka tume ya usuluhishi kuundwa ili kujua hatima ya kufunguliwa kwa kiwanda hicho.

Wakati huo huo mkuu wa wilaya ya Njombe Charles Gishuli avamia mwandisha na kumpokonya kamera na kufuta picha alizopigwa na kuitupa chini kisha amchimba mkawara kuwa hataki kupigwa picha tena wala kumfuata kumuuliza sababu za kupokonya kamera baada ya mwandishi kumpiga picha akiwa na mwekezaji Mulla.

Kikao hicho kitaendelea machi 20 mwaka huu baada ya kuundwa tume ya watu sita itakayofanya kazi ya kushughulikia mgogoro huo ili kiwanda kiweze kufunguliwa.

Habari kalimi ndani ya gazeti la Tanzania daima kesho AU SOMA HAPA

Read More

LEO NATINGA LUPEMBE ENEO WALILOKATWA MAPANGA WANAHABARI

Asubuhi hii njema ya Maulid binafsi na timu ya wanahabari wenzangu takribani saba pamoja na mkuu wa mkoa wa Iringa tunaelekea ktk eneo la kiwanda cha chai Lupembe Njombe kiwanda chenye utata mkubwa. Kiwanda hicho kimefungwa kwa zaidi ya miezi 10 sasa baada ya wakuliwa wa chai kumkataa mwekezaji wake ambaye ni mwenyekiti wa ccm mkoa wa mbeya Nawab Mula na kama utakumbuka mwaka jana waandishi walikatwa mapanga wakati wakitafuta ukweli juu ya mgogoro huo .Hivyo sina budi kukuomba dua zako tufike salama na turudi salama Iringa nakutakia Maulid Njema

Read More

MIMI SIJATUMWA NA RAIS KIKWETE KUGOMBEA UBUNGE JIMBO LA IRINGA MJINI----KIMATA

KADA maarufu wa chama cha mapinduzi (CCM ) nchini Thomas Kimata (36) ametangaza nia yake ya kugombea ubunge jimbo la Iringa mjini kupitia chama hicho huku akikanusha madai ya baadhi ya wana CCM ambao wamekuwa wakidai kuwa yeye ametumwa na Rais Jakaya Kikwete kugombea jambo ambalo halina ukweli wowote .

“Mheshimiwa Rais Jakay Mrisho Kikwete anasingiziwa mambo na watu wasiomtakia mema ….ukweli mimi ni mwanachama wa CCM na mtanzania mwenye sifa za kuchagua na kuchaguliwa hivyo sijatumwa na mwana CCM yeyote wala mwenyekiti wa CCM Taifa mheshimiwa Rais kuja Iringa kugombea ubunge….hapa nimekuja mimi kama mimi naomba ieleweke wazi”

Alisema kuwa kati ya mambo ambayo wana CCM wanapaswa kuwa makini ni pamoja na uongo wa baadhi ya wagombea ambao tayari wameanza kuonyesha nia za kuwania nafasi mbali mbali katika uchaguzi mkuu unaotaraji kufanyika octoba mwaka huu kwa kudanganywa kuwa wametumwa na waziri Fulani ama Rais kuja kugombea ili kupata nafasi za uwaziri na nafasi nyingine za juu jambo ambalo si kweli na hakuna hata mwana CCM mmoja ambaye ametumwa kugombea.

Kwani alisema kuwa pamoja na kuwepo ndani ya CCM kwa kipindi kirefu na kufanya mambo mengi ndani ya chama kama kada na mwanachama ila bado amekuwa haamini kuwa kiongozi mzuri ni yule anayeombwa kugombea zaidi ya kujitokeza mwenyewe.

“ Wana CCM wasikubali kudanganywa hapa …hivi mgombea anakuja na uongo kuwa ameombwa kugombea na kiongozi wa juu serikali ama vijana,wazee ,UWT kweli huyo si kiongozi mwema kwani akienda bungeni akawa anasinzia nani wa kumbana huku yeye mwenyewe hakuwa tayari kuogombea nafasi hiyo”

Kimata ambaye ni kada wa CCM mwenye shahada ya kwanza ya utawala na siasa katika chuo kikuu cha Dar es Salaam alisema hayo leo katika ukumbi wa klabu ya waandishi wa habari mkoa wa Iringa (IPC) wakati akitangaza azma yake ya kugombea ubunge katika jimbo hilo la Iringa mjini kupitia chama tawala ambalo kwa sasa linaongozwa na Monica Mbega (CCM) ambaye ni mkuu wa mkoa wa Kilimanjaro .

Alisema kuwa kwa sasa yeye mtaalum wa mifumo ya usalama wa wa viwanja vya ndege na mchunguzi wa ajali za ndege.


Hivyo lengo lake la kutaka ubunge katika jimbo hilo ni kutaka kuwaunganisha wakazi wa mkoa wa Iringa na usafiri na anga ambao umekuwa ukisua sua kutoka na wabunge wa mkoa wa Iringa kila mmoja kuwa kivyake vyake .


Hivyo alisema pamoja na kuwa ni mapema sana kueleza nini ambacho atakifanya katika jimbo la Iringa mjini pindi atakapo pata ridhaa ya wana CCM kuwa mgombea na wananchi wa jimbo la Iringa wakampitisha kuwa mgombe wao ,ila anaamini kabisa kupitia taaluma yake na uwezo wake atasaidiana na wakazi wa jimbo hilo kulifanya lisonge mbele na mkoa wa Iringa uweze kuwa na usafiri wa anga wa uhakika .

Kuhusu mbunge aliyepo madarakani kwa sasa alisema kuwa mbunge huyo na CCM imefanya mambo mengi mazuri na kwa upande wake anampongeza mbunge huyo na madiwani wote wa CCM kwa kazi nzuri japo kwa mbunge Mbega anapaswa kupokewa nafasi hiyo kutokana na kuwepo madarakani kwa muda na kufanya mengi ambayo yanapaswa kuendelezwa na wana chama wengine.

Kesho utapata video yenye kauli yake wakati akitanzana azma ,wakati habari hii utaisoma katika gazeti la Tanzania Daima

Read More

HAKI ELIMU INAFANYA KAZI VIZURI---AFISA ELIMU

Baadhi ya walimu kutoka shule mbali mbali za mikoa ya Morogoro,Mbeya na Iringa ambao shule zao zimepatiwa radio na Haki Elimu

TAASISI ya Haki Elimu imeelezwa kuwa imefanya kazi nzuri ambayo imesaidia kukuza ubora wa elimu nchini kutokana na mkakati wake wa kuibua kasoro mbalimbali.

Licha ya taasisi hiyo kuanza kwa matatizo yakiwemo ya kutoelewana na serikali, manufaa yake yameanza kuonekana katika maeneo mbalimbali nchini.

Kauli hiyo ilitolewa jana mjini hapa na Ofisa Elimu Mkoa wa Iringa, Salum Maduhu wakati akifungua mafunzo ya siku moja ya matumizi ya redio za kufundishia zaidi ya 40 zilizotolewa na taasisi hiyo kwa walimu wa shule za wilaya sita za mikoa ya Iringa, Mbeya na Morogoro.

Alisema Haki Elimu iliripoti vibaya Mpango wa Maendeleo Elimu ya Msingi (MMEM) na ule wa sekondari (MMES), kwa kuibua mabaya zaidi kuliko mazuri yanayofanywa jambo lililosababisha serikali kuonyesha kuichukia.

“Mimi nasema Haki Elimu zamani tulikuwa tunawaogopa sana kupitia mpango ule wa MMEM na MMES na kujiuliza kwa nini inasema mabaya pekee…ila mimi nasema ni vizuri wakati mwingine kuelezwa mabaya ili tujirekebishe na kweli tumeona matunda yake kupitia Haki Elimu,” alisema Maduhu.

Aidha, alitaja wilaya zilizopatiwa msaada huo kuwa ni Tukuyu na Mbozi zote za Mkoa wa Mbeya, Mufindi na Njombe (Iringa) wakati Mkoa wa Morogoro ni Mvomero na Morogoro Vijijini.

Sikiliza kauli ya Haki Elimu hapa pia waweze kusoma habari hii ndani ya Gazeti la Tanzania Daima leo Ijumaa

Read More

MAULID NJEMA ....................

Mtandao huu unaungana wa waislam ulimwenguni kote katika kuwatakia sherehe njema waumini wote wa dini ya kiislam katika kusherekea kuzaliwa kwake mtume Mhamad

Read More

MWALIMU WA IFUNDA ALIYEMPA KICHAPO MWENZAKE AOKOKA KUFUNGWA JELA......................................

Baadhi ya walimu wa shule za msingi katika mikoa ya Mbeya,Morogoro na Iringa wakiteta jambo la afisa elimu mkoa wa Iringa Bw.Salum Maduhu (katikati) mara baada ya kufungua warsha ya siku moja ya Haki elimu.

Habari kutoka kijiji cha Ifunda kibaoni zilizotua katika mtandao huu wa www.francisgodwin.blogspot.com hivi punde zinadai kuwa ndugu wa mwalimu wa shule ya sekondari Ifunda Bw Lugano Sanga ambaye alikuwa akikabliwa na tuhuma za kumpa kichapo mwalimu mwenzake Aisha Mayunga wameangua kilio cha furaha baada ya mwalimu huyo kushinda kesi yake hiyo Mahakamani baada ya mlalamikaji kukosa ushahidi hivyo mahakama kuifuta kesi dhidi ya mwalimu Sanga kwa kumwachia huru.

Mwalimu huyo alifikishwa mahakamani kwa tuhuma za kumshambulia mwalimu mwenzake huyo mapema mwaka jana kesi ambayo ilizua utata mwingi baada ya mlalamikaji kuonyesha kukosa ushahidi wa kutosha .

Katika hatua nyingine wakazi wa kijiji hicho cha Ifunda wamedai kuwa huduma ya maji katika mradi wa majaribio bado haijatengemeaa baada ya huduma hiyo kutopatikana tena kwa madia hadi siku ya jumamosi ama jumapili wakati wa mkutano wa hadhara .

Wanananchi hao wamesema kuwa huduma hiyo waliipata kwa siku moja pekee ambapo kwa siku ya jana kijijini hapo hapakuwa na huduma ya maji zaidi ya mafundi kuonekana wakizunguka kuweka vilaka maeneo korofi ambayo maji yamekuwa wakivuja baada ya bomba kupasuka.

Hata hivyo walisema kuwa serikali ya kijiji imedai kuwa huduma ya maji ya uhakika wataipata siku ya jumamosi na jumapili wakati wa mkutano wa hadhara jambo ambalo wananchi wanaliona kama limelenga kuwaziba midomo wananchi ili wasihoji juu ya mradi huo wa ubabaishaji ambao wamejengwa kwa fedha zaidi ya shilingi milioni 120 fedha za kodi za wananchi.

Mtandao huu wa www.francisgodwin.blogspot.com umejiandaa kufika kijiji hapo na kurusha mkutano huo LIVE ili kuwawezesha wadau wa maendeleo waliopo nje ya Ifunda kujua nini kimejitokeza katika mkutano huo siku ya jumapili ambapo umepania kufika kushiriki mkutano huo ili kupata ukweli halisi wa mradi wa maji na miradi mingine katika kijiji ukiwemo mradi wa soko linalotumika kulaza popo.

Read More

TASWA IRINGA YAIKOMBOA WILAYA YA KILOLO KUTOLEWA KUCHEZA LIGI YA TAIFA KWA KUKOSA ADA YA SH.50,000

Chama cha waandishi wa habari za michezo Tanzania (TASWA) mkoa wa Iringa leo kimeinusuru timu ya pekee ya wilaya ya Kilolo Ilula (pichani yenye wachezaji wenye jezi ya njano)kuendelea na ligi ya Taifa ngazi ya mkoa baada ya uongozi wa chama cha soka mkoa wa Iringa (IRFA) kupitia katibu wake msaidizi Ramadhan Mahano kuiondoa timu hiyo katika mashindano kwa kushindwa kulipa ada ya shilingi 50,000 ambayo timu hiyo ilikuwa ikitakiwa kulipa kabla ya kushiriki ligi hiyo ya Taifa ngazi ya mkoa.

Timu hiyo ya Ilula ilikuwa imefika katika uwanja wa Samora kwa ajili ya kucheza mchezo wake na timu ya Mucoba kutoka Mufindi kabla ya IRFA kuzuia waamuzi kuendelea na mchezo hadi timu hiyo ilipe ada hiyo hali iliyoulazimu uongozi wa TASWA mkoani Iringa kumaliza utata huo kwa kulipa ada kiasi cha shilingi 20,000 ambazo zilikuwa zimebaki baada ya wachezaji kuchangishana wenyewe uwanjani hapo.

Hata hivyo wachezaji hao kupitia kiongozi wao Azayad Mtati umeonyesha kumlalamikia katibu wa chama cha soka wilaya ya Kilolo Haruna Mduda pamoja na viongozi wa michezo wilaya hiyo kwa kushindwa kuisaidia timu hiyo ambayo imekuwa kama yatima katika ligi hiyo .

Alisema kuna uwezekano mkubwa wa timu hiyo siku ya jumamosi wiki hii kushindwa kufika uwanjani hapo baada ya kukosa nauli ya kuja mjini Iringa kuendelea na michezo yake iliyosalia.

Hivyo wamemwomba mkurugenzi mtendaji wa halmashauri ya wilaya ya Kilolo Bosco Ndunguru na mkuu wa wilaya ya Kilolo Dr.Athuman Mfutakamba kuweza kuingilia kati ili kuitafutia nauli ya shilingi 80,000 timu hiyo kwa ajili ya kukodi basi la wachezaji .

Pamoja na kuwaomba viongozi hao pia wameupongeza uongozi wa TASWA Iringa chini ya mwenyekiti wake Francis Godwin mmiliki wa mtandao huu kwa kusaidia kuokoa jahazi kwa leo kwa kuilipia ada timu hiyo.

katika mchezo wake wa leo Ilula ndio ilianza kuliona lango la Mucoba mnamo dakika ya 18 kipindi cha kwanza kupitia mchezaji Amidu Mtuga goli lililodumu hadi mapumziko.

Kipindi cha pili Ilula ilionyesha kulewa sifa ya goli hilo na kucheza chini ya kiwango na kupelekea Mucoba kusawazisha goli hilo dakika ya 70 kupitia kwa mchezaji Joshua Chatila na kuongeza goli la pili la lala salama Dakika ya 84 kupitia kwa mchezaji Yohana Michael.

Kesho katika uwanja huo ni kati ya Kurugenzi Mufindi na Kidabaga timu ambayo imeonyesha kujitoa katika ligi hiyo baada ya kuchapwa goli 9-1 na timu ya Mucoba katika mchezo wao wa awali.

Uongozi wa TASWA Iringa kesho Ijumaa unataraji kutoa zawadi ya kiatu cha mpira kwa mchezaji atakayefunga goli la kwanza katika uwanja wa Amani Mkambako ambako kutakuwa na mchezo kati ya Yono na Mbeya Road na shilingi 10,000 kwa mchezaji atakayefunga goli la pili.

Read More

NAIBU SPIKA APATA MPINZANI MWANASHERIA JIMBONI KWAKE..............

Mwanasheria wa kujitegemea Bw. Deiniol J. Msemwa akitangaza nia yake ya kugombea ubunge jimbo la Njombe Kusini Mkoani Iringa kupitia tiketi ya chama cha Mapinduzi CCM katika uchaguzi wa Rais na Wabunge unaotarajiwa kufanyika baadae mwezi Oktoba mwaka huu endapo atapitishwa na chama chake.

Mkutano huo umefanyika kwenye ukumbi wa Idara ya Habari Maelezo leo na yeye mwenyewe akapata wasaa wa kuongea na wanahabari na kuwatangazia nia yake hiyo.

Jimbo hilo kwa sasa linashikiliwa na Mwanasiasa Mkongwe ndani ya CCM mwanamama shupavu Anna Makinda (kulia)ambaye pia ni Naibu Spika wa Bunge la Jamhuri ya Muungano ya Tanzania, Dainiol Msemwa amesema ametuhubutu kutangaza nia yake hiyo kwa kuwa uwezo anao na katiba ya chama cha mapinduzi inamruhusu kufanya hivyo, lakini pia katiba ya Jamhuri ya Muungano wa Tanzania inampa haki hiyo ya kuchagua ama kuchagulia kama raia wa Tanzania.

Katika Picha wengine wanaofuatia ni Enock Ngombale Mwiru Mshauri wa siasa wa mgombea na mwisho ni Jerome Joseph Msemwa wakili

Read More

HAKI ELIMU YATOA RADIO KWA SHULE ,SERIKALI YASEMA ILIGOMBANA BURE NA HAKI ELIMU

Walimu kutoka shule ya mkoa wa Morogoro,Iringa na Mbeya wakipewa mafunzo ya kutumia Radio zinazotumia upepo na mionzi ya jua zilizotolewa na taasisi ya Haki Elimu nchini ili kuboresha elimu nchini









Radio zimetulia kweli hapa suala la umeme halitakuwa tabu









Mwandishi wa Radio Ebony Fm Ibrahim Issa ( kushoto) akimtazama mwandishi wa Nipashe mkoa wa Iringa Mawazo Marembeka akijaribu kuwasha Radio ya Haki Elimu wakati wa mafunzo yaliyofanyika katika ukumbi wa chuo Huria cha Tanzania Iringa leo









Afisa elimu mkoa wa Iringa Bw.Salum Maduhu (katikati waliokaa mwenye miwani) akiwa na viongozi wa Haki Elimu na washiriki wa mafunzo hayo,Maduhu amesema kuwa kazi inayofanywa na Haki Elimu ya kukosoa kuhusu ubora wa elimu ni nzuri sana japo mwanzo serikali ilikuwa ikilalamika kuwa inaandamwa kwa kusemwa vibaya ila sasa matunda yameonekana, utaisoma habari hii katika gazeti la Tanzaia Daima kesho

Read More

WAZIRI WA SERIKALI YA RAIS JAKAYA MRISHO KIKWETE APANDISHA KIZIMBANI...........

WAZIRI wa Kilimo, Chakula na Ushirika, Stephen Wasira(pichani) leo amepandishwa kizimbani katika Mahakama ya Hakimu Mkazi Kisutu Dar es Salaam akidaiwa sh milioni 90 kwa kumdhalilisha na kumsumbua Mkurugenzi wa Kampuni ya Cargo Building, Andrew Ngai mtandao huu umeelezwa kuwa .

Kesi hiyo ya madai namba 24/2008 ilisikilizwa mbele ya Hakimu Mkazi Shamshana.

Alipotakiwa kujitetea, Wasira alishangazwa na uwepo wa kesi hiyo kwa maelezo kwamba yeye ndio mwenye haki ya kumdai mkurugenzi huyo hasara ya vigae 600 alivyopoteza.

“Nashangaa kusikia mimi nashitakiwa wakati mimi ndio nimepata hasara ya vigae vyangu 600 vilivyokuwa kwenye kampuni ya huyu bwana,” alieleza Wasira.

Kwa upande wake, Wakili Gasper Nyika anayemtetea waziri huyo ambaye pia ni mbunge wa Bunda kupitia CCM, alidai maelezo ya awali yaliyotolewa na mteja wake mwaka 1999 yalionyesha kwamba aliagiza vigae 2,000 kutoka nchini Afrika Kusini na kumkabidhi Ngai anayeelezwa kuwa Mkurugenzi wa Kampuni ya Cargo Building.

Akiendelea kutoa maelezo yake, wakili Nyika alisema mteja wake alitumia vigae 1,400 na kubakiza 600 vilivyoelezwa kupotea kabla ya Wasira kufungua kesi ya madai dhidi ya Ngai, akitaka kulipwa sh milioni sita kama gharama za vigae 600 vilivyopotea. Hata hivyo, alishindwa kesi.

Baada ya kumbwaga Wasira mahakamani, Ngai alifungua kesi akitaka kulipwa sh milioni 90 kama fidia ya usumbufu na kudhalilishwa kwa kampuni yake.

Mahojiano kati ya waziri huyo na wakili wa mdai aliyejitambulisha kwa jina la Chabruma yalikuwa kama ifuatavyo:

Wakili: Kampuni uliyoikabidhi vigae inaitwaje?

Wasira: Iliitwa Cargo… nadhani imeshakufa hiyo kampuni yenyewe.

Wakili: Sasa ilikuwaje ukaishitaki kampuni ambayo haipo na hauijui?

Wasira: Kwa sababu mwenye kampuni ile tunaishi jirani.

Wakili: Unajua kwa nini Ngai alishinda kesi?

Wasira: Ni maamuzi ya mahakama… nami nilisikia kufutwa kwa kesi hiyo katika vyombo vya habari. Sasa mimi nashangaa kufunguliwa kesi kama hii.

Baada ya majibu kutoka kwa waziri huyo, wakili wa mdai aliomba kuahirishwa kwa kesi hiyo hadi Machi 12 ili wakajipange vema.

Hata hivyo ombi hilo lilikataliwa na mahakama na badala yake utetezi wa kesi hiyo utaendelea Aprili 12.

Waweza kusoma habari hii kwa kina ndani ya gazeti la Tanzania Daima kesho Alhamisi

Read More

DAWA ZA KUONGEZA MAUMBILE ZAZUA KIZAA ZAA DAR

Dawa za kuongeza maumbilie maarufu kama Mchina zimemuumbua mkazi mmoja wa Dar baada ya kutumia ili kuongeza nyeti yake ambayo anadaia ilisababisha wake watatu kumkimbia kutokana na udogo wake.

Chanzo cha habari hii kimeteta na mtandao huu wa www.francisgodwin.blogspot.com kuwa habari hiyo ambayo imetolewa katika kituo cha radio wapo Fm ya jijini Dar es Salaam kinadai kuwa , jamaa baada ya kuoa mke wa nne aliamua kutafuta ushauri wa nini afanye ili mamaa wanne asimkimbie ndipo akashauriwa kujaribu "Mchina", kulingana na kituo hicho jamaa ilimchukua siku mbili kuanza kupata majibu na akaanza kuenjoy tendo na mkewe huyo wanne.

Ilimchukua siku kadhaa maumbile ya nyeti yake yakazidi kukua na hatimaye kwa sasa hawezi tena tendo hilo kwa yamekuwa na kufikia kilo tisa za nyeti zake tu hadi sasa na mamaa wanne naye kamkimbia pia maana mzigo haubebeki tena.

Mwasemaje wadau juu ya madawa haya??

Ushauri wa mtandao huu ni vyema kubaki kama ulivyoumbwa na mwenyezi Mungu kuliko kutafuta uumbaji bandia ambao madhara yake ni makubwa na hata unaweza kufariki dunia

Read More

MUCOBA FC YAZIDI KUTESA IRINGA LIGI YA TAIFA NGAZI YA MKOA LIPULI MAJI YA SHINGO......

Kikosi cha Mucoba Fc kinachofanya vyema katika ligi ya Taifa ngazi ya mkoa









Katibu wa IRFA Eliud Mvella akimkabidhi mchezaji wa Mucoba zawadi ya Taswa kwa wafungaji wa magoli mawili ya Kwanza kama njia ya kuhamasisha soka mkoa wa Iringa









Kikosi cha Lipuli ambacho kinaweza kuaga ligi hiyo kutokana na kuzidi kubanwa mbavu na timu kutoka wilaya ya Mufindi ikiwemo Mucoba na Kurugenzi








Meneja wa Benki ya Mucoba na kurugenzi wa timu ya Mucoba Bw Dany Mpogole ambaye amepania timu hiyo kufanya vyema katika ligi inayoendelea

Benki ya Mucoba

BENKI ya Wananchi wilaya ya Mufindi (MUCOBA) iliyopo katika mji wa Mafinga mkoni Iringa ni taasisi ya kifedha iliyopania kuendeleza jitihada za serikali iliyopo madarakani chini ya Rais Jakaya Mrisho Kikwete katika michezo kupitia timu yake ya MUCOBA FC ambayo imeendelea kufanya vizuri katika ligi ya Taifa ngazi ya mkoa.

Zipo taasisi nyingi za kifedha ndani ya mkoa wa Iringa ila mkakati huo wa MUCOBA ni mkakati wa kipekee ambao unaendelea kuitangaza wilaya ya Mufindi kisoka pamoja na mkoa mzima kutokana na timu hiyo kuendelea kufanya vizuri zaidi katika mashindano mbali mbali ndani ya mkoa.

Mwalimu wa timu hiyo ya MuCoBa FC Fidelis Kalinga anasema kuwa timu hiyo imeendelea kuwa tishio katika ligi ya Taifa ngazi ya mkoa ,ligi inayoendelea katika mkoa wa Iringa ambapo kila timu ambayo imepata kukutana nayo imekuwa ikipokea kichapo hali ambayo imeifanya timu hiyo kuendelea kujizolea umaarufu mkubwa ndani ya mkoa.

Anasema kuwa timu hiyo imeendelea kuitangaza vyema wilaya ya Mufindi kupitia kombe la Muungano Mufindi pamoja na mashindano mbali mbali ambayo imekuwa ikijitokeza kushiriki kwa nguvu zote .

Kalinga anasema kuwa jitihada za timu hiyo zinatokana na mahusiano mema yaliyopo kati ya uongozi wa Benki hiyo pamoja na wanachama wake ambao wamekuwa na imani kubwa na maendeleo ya timu hiyo.

Timu hiyo ya MuCoBa ambayo hadi Jumapili ya wiki iliyopita ilikuwa ikiongoza katika ligi hiyo ya Taifa ngazi ya mkoa kituo cha Samora Iringa chenye timu 6 ikiwemo timu maarufu ya Lipuli FC ambayo imezidi Jumamosi iliyopita ilizidi kuvutwa shati na timu ya MuCoBa baada ya kushinda mabao mawili kwa moja. MuCoBa inaoongoza kwa kuwa na pointi 9 magoli 12 ya kufunga na magoli 2 ya kufungwa huku kwa kituo cha Amani mjini Makambako timu timu inayoongoza ni Mbeya Road ikiwa na pointi 7 magoli 5 ya kufunga na magoli 2 ya kufungwa.

Hata hivyo kwa upande wa kituo cha Samora MuCoBa imekuwa ikipewa nafasi kubwa ya kuuwakilisha vyema mkoa wa Iringa katika ligi hiyo ya Taifa ngazi ya mkoa kutokana na mpinzani wake mkubwa Lipuli FC kuwa na pointi 3 magoli 3 ya kufunga na magoli 3 ya kufungwa, pointi ambazo bado hazilingani na MuCoBa FC ambao ndio mabingwa watarajiwa na ligi hiyo kwa mwaka huu.

Mbali ya Lipuli FC kuonekana kuendelea kutupwa mbali na MuCoBa FC katika msimamo wa ligi hiyo ya Taifa ngazi ya mkoa, timu ya Kurugenzi Mufindi inashika nafasi ya tatu kwa kuwa na pointi 3 na magoli 2 ya kufunga na 1 la kufungwa .

Ilula kutoka wilaya ya Kilolo ikishika nafasi ya nne kwa kuwa na pointi 3 magoli 2 ya kufunga na 2 ya kufungwa ,Mshindo ikiwa nafasi ya 5 kwa kuwa na pointi 3 goli 1 la kufunga na 2 ya kufungwa huku timu ya Kidabaga kutoka Kilolo ikishika nafasi ya mwisho katika msimamo huo.

Wakati kwa kituo cha Amani Makambako mbali ya Mbeya Road kuongoza kwa kuwa na pointi 7 magoli 5 ya kufunga na 2 ya kufungwa, timu ya Yono inashika nafasi ya pili kwa kuwa na pointi 6 magoli 4 ya kufunga na 1 la kufungwa.

Timu ya Njombe mjini inashika nafasi ya tatu kwa kuwa na pointi 4 magoli 9 ya kufunga na 1 la kufungwa, Livingstone iko nafasi ya nne ikiwa na pointi 1 goli 1 la kufunga na 1 la kufungwa huku Mbangala FC ikishika nafasi ya tano kwa kuwa na pointi 1 magoli 4 ya kufunga na 10 ya kufungwa na timu ya JKT Rhino ya Mafinga ikifunga dimba kwa kutokuwa na pointi, goli 1 la kufunga na magoli 4 ya kufungwa.

Pamoja na matokeo hayo kuonyesha uwezekano mkubwa wa kugeuka kutokana na timu kuwa bado na michezo ya kucheza, bado timu ya MuCoBa FC imekuwa ikipewa nafasi kubwa ya kuibuka bingwa wa jumla katika ligi hiyo kwa mkoa wa Iringa mwaka 2010.

Timu hiyo inaundwa na jumla ya wachezaji 36 waliopo katika orodha hapo chini

1. Ally Mbwana

2. Nely Mkakilwa

3. Stanley Msangira

4. Stany Kadege

5. Joshua Chatila

6. Rashid Tangai

7. Maka B. Basil

8. August Mshana

9. Nikodem Ben Mfugale

10. Jacob J. Joseph

11. Shaibu Rashid

12. Said Shaban

13. Samwel Juma Mgaya

14. Yohana Kacheche

15. Joshua B. Jimmy

16. Martin Charles

17. Issa H. Nganila

18. Poimen Nelson Macheche

19. Khatib M. Mshana

20. Stany Mussa

21. Hashimu Mbata

22. Rodrick Kibonge

23. Mansuri Abdul Mwango

24. Alex Chura

25. Kenneth John Mkwele

26. Gift Mussa Mwinuka

27. Ibrahim Peter

28. Fukuto Juma

29. Alex Joseph

30. Issa Juma

Alipoulizwa kuhusu sababu ya mafanikio ya timu, Meneja mkuu wa MuCoBa, Danny Mpogole alisema matokeo hayo ni kwa sababu ya ushirikiano mzuri uliopo baina ya wachezaji, walimu wao, viongozi wa timu na wa benki pamoja na wadau wengine wa michezo. Aliwaasa wananchi wa wilaya ya Mufindi na maeneo mengine mkoani Iringa kuendelea kutumia huduma za benki katika kujiwekea akiba, kupata mikopo, kutuma fedha na kupata huduma za bima ili kuimarisha benki na kuboresha maisha yao .

Timu ya Mucoba kwa sasa imebakiza michezo takribani miwili mbele ambapo michezo yote kwake si migumu ukilinganisha na timu ya Lipuli Fc ambayo imeonyesha kukata tamaa.

Soma habari hii katika gazeti la Mwanasoka Alhamisi wiki ijayo

Read More

WAZIRI BENDERA, NAYE AKERWA UJENZI WA MAGHALA UWANJA WA SAMORA IRINGA.

Naibu waziri wa habari ,michezo na utamaduni Joel Bendera (kulia) akiwa ameongoza na viongozi wa michezo katika halmashauri ya Manispaa ya Iringa wakishuhudia ukuta wa uwanja wa Samora ulioanguka kwa mvua














Hapa akitazama nyufa katika kuta za uwanja huo















Naibu waziri wa habari utamaduni na michezo Joel Bendera akipinga hatua ya viwanja wa michezo kuvamiwa kwa matumizi binafsi

Sikiliza kauli ya waziri Bendera hapa Soma, habari hii katika gazeti la Tanzania Daima kesho ama soma hapa

Read More

WAZIRI JOEL NKYA BENDERA:SITAKI MCHEZO WA RIADHA UFIE MIKONONI WANGU...............

Naibu Waziri wa Habari, Utamaduni na Michezo Mheshimiwa, Joel Nkya Bendera,amesema kuwa pamoja nakuwa mchezo wa riadha hapa nchini bado upo nyuma ila hatapenda mchezo huo kufia mikononi mwaka na kuwa kabla ya kung'atuka katika nafasi hiyo aliyopewa na Rais Jakaya Kikwete atahakikisha kuwa mchezo huo unapata umaarufu mkubwa kama ilivyo michezo mingine hapa nchini .

Mheshimiwa Bendera ametoa kauli hiyo asubuhi hii katika ukumbi wa Manispaa ya Iringa wakati akizungumza na wadau wa michezo wakiwemo walimu wa mchezo wa riadha ,makocha na wadau wengine kikao ambacho bado kinaendelea katika ukumbi huo.

Habari zaidi ya nini kimezungumzwa katika kikao hicho utasoma katika gazeti la Tanzania daima kesho Alhamisi ama kwa wakazi wa mikoa ya nyanda za juu kusini usikose kusikiliza kipindi cha ANGA LA MICHEZO RADIO EBONY FM IRINGA

Read More

MILIMIONI YA SHILINGI YATUMIKA KUJENGA SOKO LA KULALA POPO IFUNDA

Meza za soka la Ifunda kibaoni wilaya ya Iringa vijijini ambalo limejengwa kwa mamilioni ya shilingi na sasa halitumiki baada ya meza zake kubanwa zaidi hivyo wafanyabiashara kuamua kufanya biashara chini sakafuni nje ya soko hilo kama njia ya kutolikubali soko hilo ambalo halijazingatia mahitaji ya wafanyabiashara









Hapa wafanyabiashara wakipanga bidhaa zao chini huku meza juu ya soko zikiwa tupo









Meza zilizojengwa kienyeji a wananchi wafanyabiashara wa kijiji cha Ifunda kibaoni baada ya kugoma kufanya biashara ndani ya soko lililojengwa kwa zaidi ya shilingi milioni 30

Read More

IFUNDA SASA WAFUNGWA MIDOMO WAPEWA MAJI KUTWA NZIMA, WENYEWE WASEMA HAWADANGANYIKI......

Wananchi Ifunda wakijaribu mradi wa maji baada ya kuanza kutoka jana










Baada ya mtandao huu wa www.francisgodwin.blogspot.com na kituo cha Radio Ebony FM Iringa kuibua sakata la ubabaishaji wa mradi maji wenye thamani ya zaidi ya shilingi milioni 120 kutaka kukwamishwa na mkandarasi katika kijiji cha Ifunda kibaoni wilaya ya Iringa vijijini mkoani Iringa .

Hali iliyopelekea kutaka kumwomba mkuu wa mkoa wa Iringa mohamed Abdulaziz ama mkuu wa wilaya ya Iringa Aser Msangi kufika kutazama ubabaishaji huo .

Sasa mkandarasi huyo kwa mara ya kwanza amefungua maji kwa uhakika na kuweka vilaka maeneo korofi na kuwawezesha wakazi wa kijiji hicho kwa mara ya kwanza jana tarehe 23 kupata huduma ya maji safi kutoka majira ya saa 6 mchana hadi saa 12 jioni jambo ambalo wanadai halijapata kutokea katika kijiji hicho na kuhoji sababu ya viongozi wenye dhamana na mradi huo wa maji kusubiri hadi vyombo vya habari viseme ndipo wapatiwe huduma hiyo nyeti kwao.

Kwani walisema pamoja na kupata kwa huduma hiyo ya maji kwa siku moja hiyo ila bado wana hofu kuwa viongozi wa serikali ya kijiji wameamua kufanya hivyo ili kuwatuliza wananchi ambao walipanga kuwazomea viongozi wao ikiwa ni pamoja na kuwataka wajiuzulu nafasi zao siku ya jumapili wakati wa mkutano wa hadhara unaopanwa kufanyika katika kijiji hicho.

Alisema mzee mmoja wa kijiji hicho ambaye jina limewekwa kiporo na mtandao huu kwa ajili ya mahusiano yake na viongozi hao ambao wamekuwa wakitaka kujua mwananchi ambaye amekuwa akifichua uozo ndani ya kijiji hicho na kutoa kwa vyombo vya habari kinyume na taratibu za kijiji hicho ambapo wananchi wamepigwa marufuku kueleza chochote kwa vyombo vya habari hadi mkutano wa hadhara ufanyike.

Hata hivyo alisema mradi huo wa maji bado haujakamilika kiasi cha wananchi kuupokea kutokana na mkandarasi aliyepewa kazi hiyo kuweka vilaka maeneo yote ambayo bomba limekuwa likipasuka kutokana na msukumo kubwa wa maji na ufinyu wa bomba za mradi huo.

Hivyo walisema kuwa ili kujua ubora wa mradi huo lazima waufanyie majaribio kwa zaidi ya mwaka mmoja ndipo wataupokea na kuuamini na si vinginevyo.

"Ujue ulizuka mgogoro hapa baada ya sisi wananchi kutaka kuukataa mradi wa maji baada ya kuwepo dalili za udanganyifu kwa kujenga chini ya kiwango....sasa leo wanatupatia maji kutwa nzima tunashukuru ila hatuda nganyiki lazima mradi ufanyiwe marekebisho ya kutosha....tena jingine kuna nyumba ya mfanyabiashara mmoja Bw. makasi bomba limefungwa nyumbani kwake na kuishia ndani ya nyumba yake kinyume na utaratibu wakati wananchi wa banda bichi wakikosa huduma hiyo baada ya mkandarasi huyo kucheza dili na mkanadarasi "

Hivyo tunataka watueleze iweje mtu moja huyo pekee akapewa huduma ya maji hadi nyumbani wakati kundi kubwa la wananchi kukiipata huduma hiyo kwa kutembea umbali mkubwa ,nalo hilo watueleze kama vipi kila mwananchi afungiwe bomba hadi nyumbani kwake.

Mbali ya mradi huo wa maji kuonyesha dalili na matumizi mabaya ya fedha za walipa kodi bado kijiji hicho kimekumbwa na kashfa nyingine ya soka lililojengwa kwa zaidi ya shilingi milioni 30 kuendelea kukaa bila kutumika ipasavyo kutokana na wafanyabiashara kugoma kufanyia biashara zao ndani ya soko hilo kutokana na meza zilizowekwa kuwa ndogo zisizo lingana na ukubwa wa mitaji yao.

Wafanyabiashara hao ambao wamelazimika kujenga vibanda meza vyao nje ya soko hilo huku baadhi yao wakifanyabiashara chini katika vumbi nje ya soko hilo kama njia ya kutokubali kuingia ndani ya soko hilo ambalo hata hivyo ushuru wake ni shilingi 200 kwa siku.

Diwani wa viti maalum Ifunda Kalaleta Fuime ameuthibitishia mtandao huu kuwepo kwa matumizi hafifu ya soko hilo baada ya wafanyabiashara kutoka nje ya soko na kuwa sababu kubwa ni meza kuwa ndogo japo soko hilo katika masoko yote yaliyojengwa na Halmashauri ndilo linalofanya kazi vizuri.

Fuime alisema kuwa sababu nyingine ya soko hilo kutotumika vizuri ni ukosefu wa barabara inayofika sokoni hapo na kuomba kutengenezewa barabara nzuri zaidi .

Katika hatua nyingine diwani huyo aliomba TANROADs mkoa wa Iringa kupunguza vifo vya wakazi wa kijiji cha Ifunda kwa kugongwa na magari kwa kuweka matuta katika barabara kuu ya Iringa -Mbeya ambapo kila mwaka wakazi wa eneo hilo wamekuwa wakipoteza maisha kwa kugongwa na magari.

Read More

MTANGAZAJI MAARUFU IRINGA APIGWA CHANGA LA MACHO BAR ,AIBIWA SIMU

Baadhi ya wanahabari wa vyombo mbali mbali ndani ya mkoa wa Iringa wakiwa nje ya ofisi ya Radio Ebony Fm hivi karibuni,

Mtandao huu jana ulikuwa na habari ya kada wa UV CCM ambaye ni mgeni mjini Iringa kuibiwa simu yake katika mazingira ya kutatanisha bar moja maarufu ambako alikwenda kutafuta mwanamke kwa ajili ya kuondoa uchovu wa kambi ya vijana inayoendelea kijiji cha Ihemi kwa vijana wa Tanzania nzima kuwepo huko,habari ambayo imesomwa pia katika kituo cha Radio Ebony Fm kupiti akipindi cha Morning Talk Show ambapo waendeshaji wa kipindi hicho waliweza kutumia taaluma yao kutoa elimu kwa umma kuhusina na utapeli huo unaofanywa kundi la wanawake watapeli mjini Iringa .

Lakini hali hiyo ya utapeli imeonyesha kugeuka msumari wa moto kwa mmoja kati ya waendeshaji wa kipindi hicho ambaye amelipwa ujira wake wa kutoa elimu kwa umma kuhusina na wanawake hao matapeli wa simu baada ya kumgeuzia kibao mwenyewe kwa kumpora simu yake ya mkononi katika mazingira tata tofauti na yale aliyokuwa akiyatolea elimu kwa wanaume wenye tabia ya kwenda kuafuta wanawake bar.

Tukio hilo lilitokea majira ya saa nne usiku katika bar moja maarufu huku mmiliki wa mtandao huu ambaye alikuwa amekaa meza moja na mwanaharakati huyo wa elimu kwa umma kupitia kituo cha radio Ebony Fm huku wakijipumzisha kwa kupata supu ya kuku ghafla wakati wakijaribu kuondoka katika eneo hilo la bar maarufu sana nje ya ile ya kada wa CCM alipotapeliwa simu yake,ndipo alipobaini kuwa simu yake ya mkononi imepotea katika mazingira tata huku hali iliyomchanganya mwanahabari huyo na kujikuta akiwa shahidi mzuri wa ule usemi usemao usitukane mambaa kabla ya kuvuka mto.

Mtandao huu unaamini kabisa simu ya mwanahabari huyo imepotea huku ikiwa na siri mbali mbali ila pamoja na kutoa pole kwa mhusika bado inazidi kuonyesha uhakika wa yale ambayo yamekuwa yakisemwa juu ya utapeli wa simu ambao umeibuka ndani ya mji wa Iringa kwa wahudumu wa bar na wasio wahudumu wa bar zaidi ni wananchi kuendelea kuchukua tahadhari pindi wanapo kwenda katika maeno ya starehe na ikiwezekana vitu vya thamani kubwa basi kuwakabidhi kwa maandishi wahudumu wenyewe ili waweze kulinda japo kwa bar zenye wahudumu matapeli zinazidi kujikosesha wateja

Read More

WALIOANZA KUJIPANDA KATIKA MAJIMBO MAPYA IRINGA WAUMBUKA,

WAJUMBE wa baraza la ushauri ya mkoa (RCC) mkoani Iringa washindwa kuridhia mapendekezo mapya ya majimbo ya uchaguzi yaliyopendekezwa na halmashauri za wilaya baada ya kukosa sifa zilizotolewa na tume ya uchaguzi ili jimbo liweze kugawanywa.

Pamoja na kuonyesha kuyatosa mapendekezo hayo ya halmashauri bado wilaya ya Njombe kuna uwezekano wa kupata jimbo jipya katika mji wa Makambako baada ya wilaya hiyo kuwa na mchakato wa kuubariki mji wa Makambako kuwa mji rasmi wajumbe wameridhia hilo SOMA HAPA

Read More

TASWA IRINGA YAENDELEA KUHAMASISHA MICHEZO ,DIWANI SAMBALA ASAIDIA SH.10,000

Diwani wa viti maalum Ifunda Kalaleta Fuime (Kushoto) akijaribu kukimbia ili kumpita mwanamke mwenzake katika michezo ya wanawake wanene na wanaume wenye vitambi yaliyoandaliwa na chama cha waandishi wa habari za michezo Tanzania (TASWA )Iringa kama njia ya kuinua michezo ndani ya mkoa wa Iringa

TASWA Iringa hivi sasa imekuwa ikihamasisha michezo kupitia ligi ya Taifa ngazi ya mkoa kwa kununua magoli mawili kila mchezo pmaoja na kumwaga fedha kwa waamuzi wa michezo hiyo inayopigwa katika uwanja wa Samora mjini Iringa.

Hadi hivi timu zilizonufaika na fedha za TASWA Iringa ni pamoja na Mshindo, MUCOBA na Kurugenzi Mufindi.

Wakati waliojitokeza kuunga mkono jitihada za TASWA Iringa katika kuendeleza michezo ni pamoja na Justin Mbuna ,Maneno Kalinga na meneja wa Benki ya wananchi Mucoba Dany Mpogole waliounga mkono jitihada za TASWA Iringa kwa kuchangia kiasi cha shilingi 45,000 pamoja na diwani wa kata ya Gangilonga mjini Iringa Mh.Edwin Sambala aliyechangia shilingi 10,000

Hata hivyo TASWA Iringa inawakaribisha wafanyabiashara na wadau wa soka kuweza kujitangaza biashara zao kupitia kukiaidia chama hicho cha waandishi wa habari za michezo kwa kutoa michango yao kwa ajili ya maendeleo ya soka Iringa.

Wale wote watakaotaka kuichangia TASWA Iringa kwa ajili ya kuunga mkono jitihada hizo wanaweza kuwasiliana na mwenyekiti wa TASWA Iringa Bw,Francis Godwin kwa simu mbamba 0754 026 299 /0712 750 199 ama wanaweza kufika Radio Ebony FM kwa Raymond Francis ama Radio Country Fm kwa Rashid Msigwa

Kumbuka wale wote watakaojitokeza kuichangia TASWA Iringa kwa ajili ya kuendeleza michezo ndani ya mkoa wa Iringa majina yao yatatangazwa katika gazeti la MWANASOKA kila Alhamisi na katika vipindi vya michezo vya radio mbali mbali hapa nchini.

Read More

KADA UV -CCM MGENI IRINGA ATAPELIWA BAR NA MWANAMKE.

(Pichani ni MJUMBE wa mkutano mkuu wa CCM Taifa na kamanda mpya wa umoja wa vijana wa chama cha mapinduzi (UV-CCM) wilaya ya Iringa vijijini Bw.Arif Abri (kulia akisimikwa na makamu mwenyekiti wa UVCCM Taifa Benno Malisas)amesema kuwa uchanguzi wa ).

Siku moja baada ya mwenyekiti wa kwaya kudaiwa kuwataka waimbaji kimapenzi,jinamizi la ngono lamweka pabaya kada mgeni wa CCM aliyekuja mkoani Iringa katika kambi ya umoja wa vijana wa chama cha mapinduzi (UV-CCM) inayoendelea kijiji cha Ihemi kwa kuwaunganisha vijana kutoka mikoa yote ya Tanzania bara na visiwani.

Kada huyo ambaye ni mgeni ndani ya mkoa wa Iringa anadaiwa kutoroka kambi huko Iheni na kuja mjini Iringa kwa lengo la kupata kinywaji katika bar mmoja maarufu iliyopo kata ya Mlandege akiwa na mwanamke ambaye inadaiwa alimpata nje ya bar hiyo .

Hata hivyo baadhi ya mashuhuda wanadai kuwa kada huyo wa UV -CCM alionekana akinywa pombe na mwanamke huyo ambaye kwa wenyeji wa eneo hilo wamekuwa wakimwogopa kutokana na tabia yake ya udokozi na utapeli ila pamoja na baadhi ya wateja katika bar hiyo kumtonya kada huyo kuachana na mwanamke huyo ambaye wao wanamtambua kuwa si mwema bado alionekana kupuuza hadi pale alipotapeliwa simu yake ya mamilioni ya shilingi na mwanake huyo na kutoweka kusiko julikana .

Kada huyo ambaye leo ameteta na mtandao huu amesema kuwa jitihada za kumpata mwanamke huyo bado hazijazaa matunda na kumwomba mwanamke huyo kama yupo ndani ya mkoa wa Iringa kumsaidia kurejesha japo line ya simu hiyo ambayo ina namba nyeti za viongozi mbali mbali.

"Ukweli yule mwanamke kwa sura namtambua ila jina lake hakuweza kunitajia wala sehemu anayoishi hata hiyo simu aliniomba kuwa anataka kumpigia mzazi wake ili kumfahamisha kuwa asingeweza kurudi nyumbani lakini wakati akipiga simu hiyo alikuwa akijifanya kama inasumbua vile mawasiliano na kutoka nje ambako alitoweka moja kwa moja na baada ya kupita kama dakika 20 hivi nilitoka nje kumwangalia sikumkuta tena "

Vitendo vya utapeli kwa wanawake ndani ya Manispaa ya Iringa vimezidi kuongezeka ambapo hili ni tukio la tatu ndani ya mwezi huu kwa wanaume wageni kulizwa simu na fedha na wanawake hao ambao wanadaiwa kuwa na mtandao wao ambapo wamekuwa wakijifanya ni wanafunzi wa vyuo vikuu japo ukijaribu kuhoji zaidi juu ya nini anasomea katika chuo hicho hugeuka bubu kutokana na kutojua chochote kuhusiana na chuo.

Mtandao huu unakuomba wewe msomaji kuchukua tahadhari dhidi ya utapeli huo wa kimapenzi wenye lengo la kuibia watu na kama unajitambua kuwa wewe ni mgonjwa wa mapenzi ni vyema ukatembea na mke wako kwani kama utapona kutapeliwa basi utazawadiwa virusi vya UKIMWI.

Read More

UKWELI KUHUSU KIJANA NICKSON SASA WAZIDISHA UTATA ...........

Mfanyabishara wa mbao mjini Mafinga ambaye jina limehifadhiwa amejitokeza hadharani na kuteta na vyombo vya habari kuhusiana na kijana Nickson Kabonge mkazi wa Mafinga wilaya ya Mufindi ambaye anadai kuishi maisha ya msukule .

Katika kile kinachoonyesha kuwa suala hilo kuzidi kuleta utata zaidi ni pale ambapo mzee mwingine mkazi wa Njombe mkoani Iringa kujitokeza na kudai aliyezikwa katika kaburi hilo ni Nickson Mlagala na sio Nickson Kabonge kama ambavyo wazazi wa Nickson wa Kwanza wanavyodai .

Hata hivyo wazazi hao nao wanaomba kupewa kibali kutoka jeshi la polisi ili kufukua kaburi hilo na kujua uhalali wa mtu aliyezikwa katika kaburi hilo .

Suala la kufukua kaburi hilo ndilo ambalo lilikuwa likingojwa kwa hamu kubwa na kuna uwezekano wa ukweli hasa wa jambo hilo kuwekwa wazi zaidi mara baada ya kaburi hilo kufukuliwa kutokana na wazazi wa pili waliojitokeza kudai aliyezikwa hapo ni mtoto wao kuja na picha ya aliyekufa japo hawana uhakika wa mwili uliopo chini unafanana na picha hiyo.

Mpenzi Msomaji wa mdandao huu kama nilivyokueleza kuwa mtandao huu utafanya kila jitihada ili kuweza kujua ukweli wa jambo hili ,na hii ndio safari ya kujua ukweli wa jambo hili kikubwa nakuomba tuvute subira ili kujua aliyezikwa ni nani katika kaburi hilo na kama itabainika kuwa aliyezikwa ni Nickson Mlagala na sio Nickson Kabonge nini kitafanyika katika kubadiri jina lililopo katika msalaba huo kwenye kaburi hilo?

Read More