Matukio Daima

Tembelea kila siku kwa habari na matukio mbali mbali..

Matukio Daima

Kwa Habari za Kitaifa.

Matukio Daima

Kwa Habari za Kimataifa.

Matukio Daima

Kwa Habari za Uchumi na Biashara.

Matukio Daima

Kwa Habari za Michezo na Burudani.

DOWNLOAD MATUKIO DAIMA APP HAPA

https://play.google.com/store/apps/details?id=com.matukiodaima

November 21, 2017

EXCLUSIVE :MWENYEKITI WA BAVICHA TAIFA AHAMIA CCM



Mwenyekiti wa baraza la Vijana Chadema (BAVICHA),Patrobas Katambi amehamia Chama Cha Mapinduzi (CCM).Katambi ametangaza kujiondoa Chadema leo Jumanne Novemba 21,2017 katika mkutano wa halmashauri kuu ya CCM unaoendeshwa na mwenyekiti wa Chama cha Mapinduzi Dkt. John Pombe Magufuli jijini Dar es salaam.

Katambi alikuwa mgombea ubunge jimbo la Shinyanga Mjini katika uchaguzi mkuu mwaka 2015 akikabiliana na Stephen Masele (CCM) ambaye aliibuka mshindi huku Katambi akidai kuibiwa kura katika uchaguzi huo.

Mbali na Katambi makada wengine wa CHADEMA wameamua kurudi CCM.

BUNGE NCHINI ZIMBABWE LAANZA KUMJADILI MUGABE


Wabunge wametakiwa kukutana katika kikao cha dharura ili kujadili hatma ya rais Mugabe
Chama tawala cha Zanu-Pf nchini Zimbabwe kimewataka wabunge wake kukutana na kujadili hatma ya rais Robert Mugabe, baada ya siku ya mwisho ya yeye kujiuzulu kupita.
Siku hiyo iliwekwa na chama cha Mugabe cha Zanu-Pf .
Mugabe anatarajiwa kujadiliwa bungeni kuanzia siku ya Jumanne ambapo anakabiliwa na shtaka la kumuachia mkewe kuwa na mamlaka ya kikatiba kulingana na chama tawala cha Zanu-Pf.
Kiongozi huyo anayepigwa vita aliwashangaza raia wengi wa Zimbabwe siku ya Jumapili alipotangaza katika runinga kwamba angependa kusalia kuwa rais.
Zanu-Pf kimesema kuwa kinaunga mkono hatua ya kuhoji uhalali wa rais Mugabe kuwa rais wa taifa hilo na kwamba mipango ya kumchukulia hatua hiyo inaweza kuanza siku ya Jumanne wakati bunge litakapokutana.
Katika muswada ulioonekana na kituo cha habari cha Reuters's chama hicho kimemlaumu rais huyo kwa kuharibu uchumi wa taifa hilo.
Uwezo wa rais Mugabe umepungua tangu jeshi kuingilia kati Jumatano iliopita kuhusu mzozo wa ni nani atakayemrithi.
Mgogoro huo ulianza wiki mbili zilizopita wakati kiongozi huyo mwenye umri wa miaka 93 alipomfuta kazi makamu wake wa rais Emmerson Mnangagwa na hivyobasi kuwakasirisha makamanda wa jeshi ambao waliiona hatua hiyo kama ya kujaribu kumfanya mkewe kuwa mrithi wake.
Taifa hilo limeshuhudia maandamano makubwa ya kumtaka rais Mugabe kujiuzulu mara moja.


Mahakama yaidhinisha ushindi wa Kenyatta Kenya

Kiongozi wa upinzani nchini Kenya Raila Amollo Odinga
 
Kiongozi wa upinzani nchini Kenya Raila Amollo Odinga
Kusherehekea
Kusherehekea uamuzi wa mahakama Nairobi
Mpiga picha wetu Peter Njoroge alipiga picha hizi za wafuasi wa Bw Kenyatta

wakisherehekea karibu na majengo ya Mahakama ya Juu, Nairobi baada ya majaji kuidhinisha matokeo ya uchaguzi wa marudio uliofanyika tarehe 26 Oktoba.
Furaha
BBC
Kufurahia

Mahakama ya Juu Kenya imetupilia mbali kesi mbili zilizokuwa zimewasilishwa kupinga uchaguzi wa marudio, yaidhinishwa ushindi wa Kenyatta.
  1. Mahakama ya Juu Kenya imeamua uchaguzi wa marudio wa urais uliofanyika tarehe 26 Oktoba, 2017 ulikuwa halali.
  2. Rais Uhuru Kenyatta alitangazwa mshindi wa uchaguzi huo baada ya kiongozi wa upinzani Raila Odinga kususia uchaguzi huo.
  3. Mahakama ya Juu ilikuwa imebatilisha uchaguzi wa kwanza uliokuwa umefanyika tarehe 8 Agosti ambapo Kenyatta alikuwa pia ametangazwa mshindi.

Maandamano ya ghasia yafanyika ngome za upinzani Kenya

Uamuzi wa mahakama ya juu wa kuidhinishwa kwa ushindi wa rais Uhuru Kenyatta katika uchaguzi wa Oktoba 26 umezua maandamano ya ghasia katika maeneo yanayodaiwa kuwa ngome za upinzani nchini Kenuya.
Kwa mujibu wa gazeti la Daily Nation wafuasi wa kiongozi wa muungano wa Nasa Raila Odinga waliandamana ili kuonyesha kutoridhishwa kwao na uamuzi huo.
Maandamano hayo yalibadilika na kuwa ya ghasia katika maeneo kadhaa ya Nyanza, nyumbani kwa Odinga , katika maeneo ya Kibira na Mathare mjini Nairobi.
Mjini Kisumu, gari moja la kibinafsi lilichomwa katika eneo la Kondele muda mfupi baada ya ghasia kuzuka katika mji huo wa ziwa Victoria kufuatia uamuzi huo wa mahakama.
kulingana na gazeti hilo vijana walifunga barabara zinazoelekea mjini Kisumu kwa kuchoma magurudumu ya gari na mawe.
Waliwazuia watu watatu waliokuwa katika gari hilo la kibinafsi , wakawapiga na kuwaibia kabla ya kuliharibu gari hilo na kulichoma.
Watatu hao walikimbilia katika kituo cha polisi cha kondele wakihofia maisha yao.
Ghasia zilizokumba baadhi ya ngome za upinzani nchini Kenya baada ya uchaguzi wa  rais Uhuru Kenyatta Kuidhinishwa na mahakama ya Juu
Ghasia zilizokumba baadhi ya ngome za upinzani nchini Kenya baada ya uchaguzi wa rais Uhuru Kenyatta Kuidhinishwa na mahakama ya Juu
Kiongozi wa muungano wa upinzani nchini Kenya Raila Odinga amezungumzia kuhusu uamuzi uliotolewa na mahakama ya juu wa kuidhinisha uchaguzi wa Uhuru Kenyatta.
Kulingna na gazeti la daily Nation, Bwana Odinga kupitia taarifa iliotolewa na mshauri wake Salim Lone, amesema kuwa serikali ya Jubilee sio halali akiongezea kwamba uamuzi huo wa mahakama ya juu ulifanywa kupitia shinikizo.
''Sisi watu wa Nasa tayari, tulikuwa tumeamua kabla ya uamuzi wa mahakama kwamba hatuitambui serikali ya Uhuru Kenyatta'', alisema.
''Uamuzi huo haujabadilishwa na uamuzi wa mahakama ya juu ambao haukutushangaza. Ni uamuzi uliotolewa chini ya shinikizo kubwa ,hatushutumu mahakama tunaihurumia''.
Ushindi wa rais Uhuru Kenyatta mnamo mwezi Oktoba 26 uliidhinishwa na mahakama hiyo kupitia uamuzi wa pamoja wa majaji sita wa mahakama ya juu.
Kulingana na gazeti hilo bwana Lone amedai kwamba mahakama ilikutana chini ya shinikizo kubwa, baada ya kushindwa kukutana kutokana na wasiwasi mkubwa wa kiusalama kufuatia kupigwa risasi na kujeruhiwa kwa dereva wa naibu jaji mkuu kabla ya kusikizwa kwa kesi ya uchaguzi wa tarehe 26 Oktoba.
 

MAGAZETINI JUMANNE YA LEO NOVEMBA 21/2017


Hakikisha  una kuwa  wa  kwanza  kupata  habari  kwa  wakati  ingia katika  You tube Chanel  yetu  Matukiodaima  kisha  bonyeza  sehemu iliyoandikwa Subscriber  

 

November 20, 2017

BODI YA PAMBA TANZANIA YATAKIWA KUONGEZA MBEGU MKOANI TABORA.


index
NA TIGANYA VINCENT-RS-TABORA
UONGOZI wa Bodi ya Pamba Tanzania umeomba kuongeza tani 148 ya mbegu za zao hilo baada ya wakazi wengi wa Mkoa wa Tabora kujitokeza kwa ajili ya kuoma zao hilo katika msimu wa mwa 2017/18.
Ombi hilo limetolea jana katika kijiji cha Mwanasimba Wilayani Igunga na Mkuu wa Mkoa wa Tabora Aggrey Mwanri wakati wa uzinduzi wa msimu ujao wa kilimo cha pamba nchini.
Alisema kuwa baada ya zoezi la uhamasishaji wa kutoka katika vijiji mbalimbali katika Wilaya ya Igunga, Uyui, Urambo, Nzega na Kaliua watu wamehamasika na kujitokeza kulima zao hilo.
Mwanri alisema kuwa kabla ya zoezi la uhamasishaji kulikuwa na mahitaji ya tani 672.57 lakini baada kuendesha zoezi hilo idadi ya wanaohitaji mbegu imeongezeka na kufikia mahitaji ya tani 820.12 wakati hadi hivi sasa wamepokea tani 672.03.
Alisema kuwa Tabora ndio imechaguliwa kuwa mzalishaji wa mbegu za pamba na kitalu cha taifa  kwa ajili ya maeneo mengine nchini na kwa hiyo haitakuwa vema kupanda aina nyingine ya mbegu zaidi ya UKM08.
Mwanri alitoa wito kwa uongozi kuhakikisha kuwa upungufu wa mbegu hizo unawafikia wakulima mapema kwa sababu zikishaanza kunyesha baadhi ya maeneo ni vigumu kufikika.
Aidha Mkuu huyo wa Mkoa alitoa onyo kwa mkulima yoyote asidiriki kulima mbegu nyingine zaidi iliyopendekezwa na Bodi kwa ajili ya uzalishaji wa Mbegu na kuongeza kuwa kinyume cha hapo akikuta mkulima amepanda mbegu kinyume cha maelezo ya Serikali ataing’oa.
Kwa upande wa Bodi ya Pamba Tanzania (TCB) Marco Mtunga alisema kuwa katika msimu ujao wa kilimo jumla ya tani 25,000 za mbegu zimetengwa kwa ajili ya wakulima ambapo 11,548 ni aina ya UKM08 na tani 13,452 ni UK91.
Alisema kuwa kwa upande wa Mkoa wa Tabora mbegu iliyosambazwa ni UKM08 na ndio pekee itakayolimwa kwa sababu ya kuwa kitalu cha Taifa kwa ajili ya kusambaza katika maeneo mengine katika Msimu wa 2018/19 ambapo maeneo yote yatalima aina hiyo mpya.
Mtunga aliongeza kuwa jumla ya ekari milioni moja na laki tatu zinatarajiwa kupandwa pamba msimu ujao wa kilimo katika mikoa 16 inayolima zao hilo hapa nchini.
Naye Mkuu wa Wilaya ya Igunga John Mwaipopo alisema kuwa tayari wameshapokea tani 500 za mbegu za pamba ambapo wameshazishambaza katika maeneo yote  yanayolima zao hilo.
Alisema kuwa tayari viongozi mbalimbali wanaendelea kutoa elimu kwa wakulima ili waweze kuzalisha kulinga na sharia na kanuni za kilimo hicho kwa ajili ya kulinda heshima ya Wilaya ya Igunga kuwa kitalu cha Taifa.

KAIRUKI NA BENKI YA DUNIA WAYAJADILI MADINI


Pic 1
Na Rhoda James, DSM
Waziri wa Madini Angellah Kairuki mwishoni mwa wiki alikutana na Ujumbe wa Benki ya Dunia jijini Dar es Salaam kwa lengo la kufahamiana na kuangalia hatua mbalimbali zilizofikiwa katika utekelezaji wa Miradi ya Madini inayotekelezwa kupitia Mradi wa Usimamizi Endelevu wa Rasilimali Madini (SMMRP) unaofadhiliwa na Benki hiyo kwa kushirikiana na Serikali.
Pamoja na mambo mengine yaliyojadiliwa katika kikao hicho, Waziri Kairuki aliitaka Benki ya Dunia kuona namna ya kuwaendeleza Wataalam wa Sekta ya Madini ili kuwezesha uwepo wa Watalaam wa kutosha hususan katika masuala ya Uthaminishaji wa Madini ya Almasi, tanzanite na madini mengine ya vito na pia masuala ya uongezaji thamani madini kwa ujumla.
Pia, alishauri umuhimu wa kuboreshwa kwa Mtandao wa Huduma za Leseni kwa Njia ya Mtandao (Online Mining Cadastre) ikiwa ni pamoja na kuunganisha mtandao huo na Mamlaka nyingine ikiwemo Mamlaka ya Mapato Tanzania (TRA) na Wakala wa   Jiolojia Tanzania (GST) ili taarifa zote zinazohusu madini na mapato yatokanayo na madini ziweze kupatikana kupitia mtandao huo.
Vilevile, aliishauri Benki hiyo kuhusu uuzwaji wa Madini ya Almas kwa njia ya Mnada kama vile inavyofanyika kwa Madini ya Tanzanite, lengo likiwa ni kuwezesha Serikali kunufaika na madini hayo.
Aliongeza kuwa, baada ya Serikali ya Tanzania kupitisha Marekebisho ya Sheria ya Madini kupitia Sheria ijulikanayo kama (The written laws (Miscellaneous Amendements) Act, 2017), alisema kuwa, baadhi ya wawekezaji wameonesha wasiwasi kuhusu marekebisho hayo.
Hivyo, Waziri Kairuki amewataka wawekezaji kutokuwa na hofu kwani mabadiliko hayo yanalenga kuhakikisha kuwa Serikali inanufaika ipasavyo kutokana na rasilimali zake za madini. Aidha, alisema kwamba, nia ya Serikali kuhusu kuvutia wawekezaji iko palepale ilimradi wazingatie Sheria na taratibu.
Vilevile, Waziri Kairuki alieleza kwamba, ni vema Benki ya Dunia ikaangalia namna bora ya kuhakikisha madini yote ya Tanzanite yanayouzwa nje ya nchi yanakuwa na Hati ya Uhalisia inayoonyesha chanzo cha madini hayo suala ambalo litawezesha Taifa kupata mapato stahiki kutokana na rasilimali hiyo.
Vievile, Waziri Kairuki alizungumzia suala la udhibiti wa utoroshaji madini na kusisitiza kuhusu kuwepo na namna bora ya kuzuia utoroshwaji wa madini ya Tanzanite ikiwemo kujulikana kwa idadi ya wachimbaji wadogo, wa kati, kiasi kinachopatikana na mahali madini hayo yanapouzwa.  
Pia, Waziri Kairuki aliishukuru Benki ya Dunia kutokana na ushirikiano ambao umekuwepo baina ya Serikali kwa kipindi chote na kueleza kuwa, Serikali iko tayari kutekeleza miradi husika kikamilifu kwa lengo la kukuza uchumi wa nchi.
Naye, Katibu Mkuu Wizara ya Madini, Profesa Simon Msanjila aliiomba Benki ya Dunia kuleta Wataalam  wa madini nchini ili waweze kutoa mafunzo katika vituo vya Madini nchini ikiwemo Chuo cha Madini Dodoma (MRI) na Kituo cha Jemolojia Tanzania (TGC) ili kuzalisha wataalam zaidi katika Sekta hiyo.
Kwa upande wake, Kamishna wa Madini Tanzania Mhandisi Benjamin Mchwampaka alisema kuwa, tayari Serikali imefanya jitihada kadhaa za kuanzisha mfumo wa utoaji wa leseni kwa njia ya Mtandao. Aliongeza kuwa, kinachotakiwa sasa ni kuimarisha zaidi mfumo huo ili taarifa zote zinazohitajika na umma zinazohusu madini na mapato ya kodi na mrabaha ziweze kupatikana kwa urahisi na kwa uhakika.
Aidha, Kamishna Mchwampaka aliiomba Benki ya Dunia kukijengea uwezo zaidi Kituo cha Jemolojia Tanzania (TGC) kilichopo jijini Arusha ili kiweze kutoa mafunzo ya Utambuzi wa madini na Uongezaji thamani kwa viwango vya Kimataifa.
Kwa upande wake, Mkurugenzi Mkazi wa Benki ya Dunia Bella Bird alisema zipo fursa nyingi kwa Sekta ya madini na hivyo kuiomba Wizara ya Madini kuhakikisha kuwa inatumia fedha zilizopo katika miradi husika na kwa wakati.
Naye, Mwakilishi Mwandamizi Mradi kutoka Benki ya Dunia ambaye pia ni Mtaalamu wa Madini kutoka Idara ya Nishati Endelevu nchini Merekani, Mamadou Barry, alisema kuwa, Wizara ya Madini ihakikishe kuwa inakamilisha ujenzi wa Kituo cha Madini kinachotarajiwa kujengwa   eneo la Mererani kwa wakati  ili kuwezesha minada ya madini na maonesho ya madini kufanyika kwenye kituo hicho, na hivyo kudhibiti utoroshwaji wa madini.
Kwa upande wake, Mtaalamu wa Masula ya Madini kutoka benki hiyo Sheila Khama aliishauri Serikali ya Tanzania kuona namna ya kushirikiana na nchi nyingine kama Afrika Kusini hususan kwenye Mikutano ya Uwekezaji madini ya Indaba ili kuendelea kuwavutia wawekezaji.
Aidha, alishauri Tanzania kujifunza kutoka nchi ya Ethiopia kuhusu namna ya kudhibiti Wachimbaji Wadogo wa madini ya dhahabu kwa kuwa, nchi hiyo unao mfumo bora Barani Afrika.
Pia, alisisitiza kuhusu umuhimu wa ushirikishwaji wa wanawake katika shughuli za madini nchini.
Pic 4

ZITTO KUISHTAKI SERIKALI TENA


Mbunge wa Kigoma mjini Mh. Zitto Kabwe amesema anajipanga kulifunguliwa kesi ya kikatiba jeshi la polisi nchini kutokana na kushikilia simu yake.
Zitto ameeleza kuwa Simu yake inashikiliwa tangu 7/11/2017 alipokamatwa kwa tuhuma za kuvunja sheria ya takwimu pamoja na sheria ya makosa ya mtandao.
“Walisema watahitaji simu hiyo kwa siku 2 tu, nilikwenda polisi KAMATA siku 3 baadaye nikaelezwa kuwa bado wanaendelea na uchunguzi. Nimerudi leo tarehe 20/11/2017, Polisi wanasema bado wanahitaji simu yangu hiyo”, amesema Zitto.
Kiongozi huyo wa chama cha ACT-Wazalendo ameongeza kuwa, “Nimeamua kuwaachia Simu mpaka hapo watakapotosheka lakini wajiandae na kesi ya kikatiba ambayo pia italinda haki za wananchi wengi wanaothirika na matumizi mabaya ya sheria ya Mtandao ( Cybercrime Act )”.

CCM YAFANYA UTEUZI VIONGOZI WA WILAYA NA MIKOA


Chama cha Mapinduzi CCM kupitia Kamati kuu (CC) kwa niaba ya halmashauri kuu taifa NEC, kimefanya uteuzi wa wagombea walioomba kuwania nafasi ya Uenyekiti katika wilaya Sita nchini zikiwemo zile wilaya za kichama.
Wilaya ambazo zimepata wagombea ni Moshi Mjini, Siha na Hai zote za mkoani Kilimanjaro ambapo uchaguzi umepangwa kufanyika Desemba 1-2 mwaka huu. Wilaya ya Makete mkoani Njombe pamoja na wilaya zinazotambulika kichama za Musoma Mjini na Musoma Vijijini mkoani Mara uchaguzi wake umepangwa kufanyika Novemba 25-26 mwaka huu.
Katika Wilaya ya Hai walioteuliwa kugombea nafasi hizo ni Abdullah Hussein Mriri, Magai Wang’uba Maganda na Justice Edmen Elipokea Massawe. Wilaya ya Siha ni Justice Nicodemo Mkita, Wlfred Luka Mossi na Humfrey Joshua Nnko.
Wilaya ya Moshi Mjini ni Absalom Angyeulile Mwakyoma, Joseph Oforo Mtui, Faraji Kibaya Swai na Alhaj Omar Amin Shamba. Wilaya ya Makete ni Aida Menson Chengula, Mwamwite Clemence Njajilo na Onna Amos Nkwama.
Wilaya ya Kichama ya Musoma Mjini walioteuliwa ni Robert Maganya Sylvester, Magiri Benedicto Maregesi, Amina Marumbo Nyamgambwa na Daud Adam Misango. Wialya nyingne ya kichama ya Musoma vijijini wagombea ni Gerald Mfungo Kasonyi, Kananda Hamisi Kananda na Nyabukika Bwire Nyabukika.