Matukio Daima

Tembelea kila siku kwa habari na matukio mbali mbali..

Matukio Daima

Kwa Habari za Kitaifa.

Matukio Daima

Kwa Habari za Kimataifa.

Matukio Daima

Kwa Habari za Uchumi na Biashara.

Matukio Daima

Kwa Habari za Michezo na Burudani.

May 22, 2017

CLOUDS WATAKIWA KUTOA USHIRIKIANO DHIDI YA UVAMIZI


Akiongea na waandishi wa habari leo Sirro amesema kesi yoyote inahitaji ushahidi na uvamizi wa Clouds bado upelelezi wake unaendelea ukikamilika utapelekwa kwa wakili wa Serikali ili aone kama anaipeleka kesi hiyo mahakamani au kutoipeleka.

 Kamanda wa Polisi Kanda Maalumu ya Dar Es Salaam, Simon Sirro amewataka uongozi wa Clouds Media Group kushirikiana na jeshi la polisi katika upelelezi wa tukio la uvamizi wa kituo chao cha matangazo.
Akiongea na waandishi wa habari leo Sirro amesema kesi yoyote inahitaji ushahidi na uvamizi wa Clouds bado upelelezi wake unaendelea ukikamilika utapelekwa kwa wakili wa Serikali ili aone kama anaipeleka kesi hiyo mahakamani au kutoipeleka.
"Ndugu zetu wa Clouds watoe ushirikiano kwa mpelelezi wa kesi yao, wao wanataarifa za kutusaidia kukamilika kwa upelelezi ila nasi tuweze kuipeleka katika hatua inayofuata. Na sio kwamba tukio limesahaurika bali upelezi wake unaendelea," amesema Sirro

MAJERUHI WA LUCY VINCENT WAANZA KUZUNGUMZA

Madaktari wa Hospitali ya Mercy, ya Marekani wamesema watoto  watatu majeruhi wa ajali ya Lucky Vincent, wanaendelea vyema.
 Mbunge wa Singida Kaskazini, Lazaro Nyalandu ameandika katika ukurasa wake wa faceboook kuwa watoto hao Saidia Ismael, Doreen Mshana na Wilson Tarimo  watapelekwa katika makazi maalum ya kuangalia afya zao ikiwa ni pamoja na kupewa mazoezi ya viungo.
Pia watoto hao wameanza kuzungumza na kwa mara ya kwanza mtoto Saidia amesema ‘Helo Tanzania, na Wilson amesema ‘Thank you’.
“Ingawa wataendelea kuwa wodi ya watoto Mercy  Hospital  kwa sasa hadi madaktari bingwa watakapojiridhisha  na hali yao,” ameandika Nyalandu

MSUVA NA MUSSA KUWANIA KIATU CHA DHAHABU KWA UFUGAJI BORA

    Mshambuliaji Msuva wa Yanga na Mussa wa Ruvu Shooting wakiwania mpira 
.....................................................................................................................................................
Washambuliaji Abdulrahman Mussa wa Ruvu Shooting na Simon Msuva wa Yanga wameibuka wafungaji bora kwenye Ligi Kuu ya Vodacom msimu wa 2016/2017 iliyomalizika Mei 20 mwaka huu.

Kutokana na wachezaji hao kuibuka vinara kwa ufungaji ambapo kila mmoja amefunga mabao 14, watagawana zawadi ya mfungaji bora ambayo ni sh. 5,800,000.

Yanga imemaliza Ligi hiyo ikiwa bingwa kwa ponti 68 na kufunga jumla ya mabao 57, wakati Ruvu Shooting iliyomaliza katika nafasi ya saba kwa ponti 36 imepachika jumla ya mabao 28.

Watakabidhiwa zawadi hiyo katika hafla ya tuzo za Mchezaji Bora wa Ligi Kuu ya Vodacom msimu wa 2016/2017 itakayofanyika keshokutwa (Mei 24 mwaka huu) kwenye ukumbi wa Mlimani City jijini Dar es Salaam.

IMETOLEWA NA BODI YA LIGI KUU TANZANIA

TIGO 4G YAIFIKIA MIJI 23 NCHINI


Meneja wa Kanda ya Kaskazini kutoka Tigo, Aidan Komba, akiongea na waandishi wa habari(hawapo pichani) kuhusu uzinduzi wa huduma ya 4G LTE mkoani Singida, kushoto ni Meneja Mauzo wa Mkoa wa Singida Raymond Royer.

Waandishi wa habari wakichukua matukio kwenye mkutano huo wa uzinduzi wa Huduma ya 4G LTE mkoani singida mapema leo.


Singida, Mei 22, 2017-Wateja wa Tigo mkoani Singida hivi sasa wanaweza kufurahia kuunganishwa na huduma ya intaneti ya kasi kufuatia kampuni hiyo kupanua huduma yake ya 4G LTE katika mji huo uliopo katikati ya Tanzania. Teknolojia ya 4G ina takribani kasi ya mara tano zaidi ya teknolojia ya 3G ambayo inapatikana hivi sasa katika soko.

Kwa mujibu wa Meneja wa Tigo Kanda ya Kaskazini Aidan Komba ni kwamba upanuzi wa huduma hiyo unafuatia mafanikio yaliyopatikana baada ya kuizindua katika mji mingine mikubwa nchini.

Komba alisema kwa kuifanya huduma ya 4G kupatikana Singida, “Tigo kwa mara nyingine tena imeonesha kujikita kwake katika kuboresha mabadiliko katika mtindo wa maisha ya kidijitali na inavyoongoza katika kutoa teknolojia ya kisasa na ubunifu katika soko hili.”

Alitangaza kuanza kwa enzi mpya za kidijitali katika historia ya mawasiliano ndani ya Singida akibainisha kwamba Tigo 4G LTE itahakikisha kunakuwepo uwezo mkubwa na muhimu katika kuwaunganisha wateja ndani ya mkoa huo.

“Singida ni kituo muhimu kibiashara kwa mikoa ya kati na kaskazini mwa Tanzania. Tunaamini kwamba wakazi wa Singida, jumuiya ya kibiashara na wadau wataufurahia huduma Tigo 4G LTE na hivyo kuzifanya shughuli zao kwa njia ya mtandao kuwa rahisi zaidi.”

“Mawasiliano ya simu ni nguzo muhimu kwa jamii iliyoendelea. Kwa hiyo mtandao wa 4G utachangia katika maendeleo ya sekta mbalimbali zikiwemo elimu, fedha na huduma za afya na hali kadhalika kukuza uchumi na biashara”, alisema Komba.

“Kama mnavyojua, Tigo imekuwa mstari wa mbele katika kuzisaidia jamii zinazotuzunguka, na mfano mzuri ukiwa ni uchimbaji wa visima 12 ambavyo tulivitoa kama msaada kwa vijiji vya Singida mwaka jana,” Komba alibainisha.

Aliongeza kwamba gharama ya vifurushi vya 4G LTE ni sawa na ile ya vifurushi vya 3G na kufafanua kuwa wateja wanachotakiwa ni kuwa na kifaa kinachowezesha 4G LTE ama simu ya kisasa (Smartphone) au modemu ikiwa na kadi ya simu ya 4G LTE ili kuwawezesha kupata muunganisho na 4G LTE. Alieleza kuwa wateja wanaweza kubadilisha au kununua kadi ya simu ya 4G LTE kutoka katika duka la Tigo la huduma kwa wateja lililopo Singida Mjini.

Akizungumzia uwekezaji katika mtandao, Komba alisema kwamba Tigo imewekeza kwa kiwango kikubwa katika miundombinu ya kisasa, ikilenga kusaidia katika maendeleo endelevu ndani ya mkoa.

Alihitimisha kwa kusema, “Mipango imo njiani katika kupanua huduma kwa ajili ya mikoa iliyobakia ili hatimaye kuisambaza nchi nzima.”

Kwa upande wake, Meneja wa mkoa wa Singida wa kampuni ya Tigo, Raymond Royer alibainisha umuhimu wa huduma ya 4G na mchango wake katika kuboresha huduma za uwanda mpana wa simu za mkononi.

Royer alisema, “Katika kipindi cha hivi karibuni kumekuwepo ongezeko kubwa la idadi ya wateja pamoja na matumizi ya data; simu za kisasa idadi yake imeongezeka kwa asilimia 90 na hivyo kubadilisha namna tunavyowasiliana.”

Aliongeza, “Kwa hiyo teknolojia ya Tigo 4G LTE inampatia mteja faida mbili za data zilizo na kasi kubwa na kupunguza ucheleweshaji. Ni nguvu ya mabadiliko ambayo itaboresha mtindo wa maisha ya kidijitali kwa wateja wetu.”

Mtandao wa 4G LTE unamaanisha kasi kubwa katika kurambaza (Surf) na kupakua mada kutoka katika intaneti na kupiga miito ya mawasiliano ya kuonana (Skype). Kwa kiwango kikubwa inaboresha uzoefu wa wateja katika kutiririsha video au kufanya mikutano. Hali kadhalika inaweza kuhifadhi zana nyingi kama vile mkutano wa video, muonekanao wa hali ya juu, blogu za video, michezo na kutiririsha video kutoka katika mitandao ya kijamii.

TRUMP AZUNGUMZIA AMANI NCHINI ISRAEL

Rais Donald Trump wa Marekani amewasili leo nchini Israel akitokea Saudi Arabia. Akizungumza baada ya kuwasili, Trump amesema eneo la Mashariki ya Kati linayo fursa adimu ya kupata amani. Kesho ataizuru Palestina.
Ndege inayomsafirisha Rais Trump imetua muda mfupi uliopita katika uwanja wa ndege wa David Ben Gurion mjini Tel Aviv, na kiongozi huyo kupata mapokezi ya heshima za Kijeshi. Uwanjani hapo amepokelewa na waziri mkuu wa Israel Benjamin Netanyahu na rais wa nchi hiyo Reuven Rivlin.Trump na Netanyahu wametoa hotuba fupi wakati wa sherehe ya mapokezi, kabla ya Trump kusafiri kwa helikopta kwenya mjini Jerusalem.
Wote wawili wamezungumzia suala la amani; Netanyahu akitaka ziara ya Trump kuwa hatua ya kihistoria kuelekea amani na maridhiano, naye Trump akitaja kuwepo kwa fursa adimu ya kupata amani katika eneo la Mashariki ya Kati.
Israel Ankunft Donald Trump (Reuters/A. Cohen) Rais Donald Trump na mwenzake wa Israel Reuven Rivlin
Hapo kesho Rais huyo wa Marekani anatarajiwa kuyatembelea maeneo ya wapalastina yanayokaliwa na Isarael katika Ukingo wa Magharibi, ambako atafanya mazungumzo na rais wa Palestina Mahmoud Abbas.
Hatua za kujengeana imani
Kabla ya kuwasili kwa Trump nchini Israel, serikali ya Waziri Mkuu Benjamin Netanyahu imechukua hatua zisizo za kawaida za kuwanufaisha wapalestina, ikiwa ni pamoja na kutoa vibali vya ujenzi katika maeneo ya Ukingo wa Magharibi ambayo yako chini ya ukaliaji kamili wa Israel, vibali ambavyo ni nadra sana kutolewa kwa wapalestina. Hatua hizo zinaonekana kama juhudi za kujaribu kujenga imani.
Hii ni sehemu ya pili ya ziara yake ya kwanza nje ya Marekani tangu alipochukua madaraka mwezi Januari, ambayo imeanzia nchini Saudi Arabia. Katika hotuba yake kwa viongozi wa kiarabu na wa kiislamu mjini Riayadh, Trump aliwataka viongozi hao  kuangamiza ''misimamo mikali ya Kiislamu''.
Saudi-Arabien Abflug Trump nach Israel (Reuters/J. Ernst) Kabla ya kwenda Israel, Rais Donald Trump alikutana na viongozi wa Kiarabu na wa Kiislamu nchini Saudi Arabia
''Hivi ni vita kati ya wema na uovu. Tunaposhuhudia uharibifu unaosababishwa na ugaidi, hatuoni alama kwamba waliouawa ni wayahudi au wakristo, washia au wasuni. Tunapotazama mtiririko wa damu katika maeneo ya kale, hatuoni dini, madhehebu au kabila la wahanga.'' Amesema Trump katika hotuba yake.
Afuata nyayo za watangulizi wake
Tofauti na watangulizi wake, Rais Donald Trump hakughusia suala la ukiukwaji wa haki za binadamu unaofanywa na viongozi wa kiimla katika eneo la Mashariki ya Kati, bali amesema, '' hatuko hapa kutoa mihadhara kuwafundisha wengine namna ya kuishi maisha yao, juu ya cha kufanya na namna ya kuabudu''.
Na kinyume kabisa na matamshi yake wakati wa kampeni, kwamba anaamini Uislamu unaichukia Marekani, mbele ya viongozi wa Kiarabu na Kiislamu, Trump aligeuza kauli na kuusifu Uislamu kama mojawapo ya dini  kuu duniani.
Wachambuzi wamesema hotuba ya Trump mbele ya viongozi wa Kiarabu na Kiislamu imechukua mkondo ule ule wa watangulizi wake kuhusu Mashariki ya Kati, akiepuka kabisa kusema chochote kuhusu amri ya kutatanisha aliyoitia saini kupiga marufuku wasafiri kutoka nchi kadhaa zenye waislamu wengi kuingia nchini Marekani, ambayo wakosoaji wake wanasema inalenga waislamu kwa misingi ya imani yao, ambavyo ni kinyume na katiba ya Marekani.

RAIS TEMER AENDELEA KUSHINIKIZWA KUNG"ATUKA

Wananchi wa Brazil wamefanya maandamano makubwa ya kumshinikiza rais wao Michel Temer ajiuzulu baada ya Mahakama Kuu kutoa amri ya kumchunguza kutokana na kuhusishwa kwake na rushwa
Madai yanayomkabili Rais Timer yamelitumbukiza taifa hilo kubwa katika eneo la Amerika Kusini katika mzozo kwa mara nyingine tena. Rais Temer analaumiwa pia kwa visa vinavyohusiana na rushwa hali ambayo inazihujumu juhudi za serikali yake za kujiondoa kwenye hali mbaya ya uchumi katika historia ya Brazil.
Maandamano hayo yalifanyika katika miji tofauti ikiwemo Sao Paulo na Rio de Jenairo, ambapo mamia ya waandamanaji walitembea kandoni mwa fukwe za bahari huku wakiimba na wengine wakiwa wamebeba mabango yaliyoandikwa ''Temer Nje!''. Maandamano hayo yamesabaisha kushuka kwa sarafuya nchi hiyo na pia hasara kwenye soko la hisa.  Mzozo huu mpya sasa umesababisha kuzorota kwa mageuzi kadhaa yaliyowekwa kwa ajili ya kuisaidia nchi hiyo kutoka kwenye hali mbaya ya uchumi wake ulioporomoka.
Brasilien - Korruptionsskandal - Präsident Michel Temer (Getty Images/AFP/E. SA) Rais wa Brazil Michel Temer
Hata mwaka mmoja haujatimia tangu Rais Temer alipochukua madaraka baada ya rais aliyemtangulia, Dilma Rousseff, kuvuliwa madaraka. Kwa sasa miito ya kutaka Temer aondoke madarakani au avuliwe madaraka inaendelea, wa karibuni kabisa ukiwa mwito kutoka jopo la wanasheria ambao siku ya Jumamosi walipiga kura ya kuwasilisha bungeni hoja ya kumtaka Rais Timer ang'olewe
madarakani.  Mmoja wa waandamanaji alisema alitegemea hali ingeimarika baada ya rais wa zamani Dilam Rousseff kuondolewa madarakani, lakini sivyo ilivyokuwa, amesema Wabrazil lazima wafikirie upya wakati wa kupiga kura kwenye uchaguzi ujao ili kuweza kuwachagua viongozi wazuri katika siku za usoni.  Wengi kati ya watu walioshiriki kwenye maandamano hayo katika jiji la Sao Paulo walisema wakati wote walikuwa wakimpinga Rais Temer tangu alipochukua hatamu za uongozi na wanafikiri kuwa rais wa zamani, Dilma Rousseff, alidhulumiwa kung'olewa madarakani na kwamba hatua hiyo ilichochewa kisiasa na haikuwa halali.
Katika jiji la Rio de Janeiro, hata hivyo, idadi ya watu walioshiriki kwenye maandamano hayo haikuwa kubwa. Takriban waandamanaji 150 walijitokeza.  Wakati huo huo, Rais Temer anaendelea kusema hataachia madaraka kwa sababu haoni kosa alilolifanya. Temer anadai kuwa mkanda uliorekodiwa ukimuonyesha akitia saini ruksa ya kupewa fedha aliyekuwa spika wa bunge, Eduardo Cunha, kwa ajili ya kufunga mdomo wake umetengezwa makhsusi kumuharibia sifa. Cunha yuko kifungoni baada ya kuhukumiwa kwa makosa ya rushwa. Temer vile vile amemtaka jaji wa mahakama kuu asimamishe mara moja uchunguzi aliouamuru dhidi yake, jambo ambalo, hata hivyo halitakuwa rahisi kutimizwa.

MATUKIO YOTE YA BUNGENI LEO JUMATATU


9857-Mhe.Chenge
Mwenyekiti wa Bunge la Jamhuri ya Muungano wa Tanzania Mhe.Andrew Chenge akiongoza  kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9466-Jafo
 Naibu Waziri Ofisi ya Rais –TAMISEMI Mhe.Suleiman Jafo akijibu maswali mbalimbali ya wabunge katika kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9724-Mhe.Kigwangalla
 Naibu Waziri wa Afya,Maendeleo ya Jamii,Jinsia,Wazee na Watoto Mhe.Dk Khamis Kigwangalla  akifafanua jambo katika kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9703-Mhe.Ngonyani
Naibu Waziri  wa Ujenzi, Uchukuzi na Mawasiliano Mhe.Edwin Ngonyani  akijibu maswali mbalimbali ya wabunge katika kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9518-Mhe.Mwigulu
 Waziri wa Mambo ya Ndani Mhe.Mwigulu Nchemba akijibu maswali mbalimbali ya wabunge katika kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9602-Mhe.Kamwelwe
Naibu Waziri wa Maji na Umwagiliaji Mhe.Isack Kamwelwe akijibu maswali mbalimbali ya wabunge katika kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9647-Mhe.Ole Nasha
 Naibu Waziri wa Kilimo,Mifugo na Uvuvi Mhe.William Ole Nasha akijibu maswali mbalimbali ya wabunge katika kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9446-Mbunge wa Itilima Njalu Silanga
 Mbunge wa Itilima(CCM) Mhe.Njalu Silanga akiuliza swali katika kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9679-Mhe.Maige
 Mbunge wa Msalala (CCM) Mhe.Ezekiel Maige akiuliza swali katika kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9753-Lukuvi na Mdee
Waziri wa Ardhi ,Nyumba na Maendeleo ya Makazi Mhe.William Lukuvi akizungumza jambo na Mbunge wa Kawe Mhe.Halima Mdee katika  kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
9592-Mhe.Mhagama akimsikiliza mavunde
Waziri wa Nchi Ofisi ya Waziri Mkuu Sera,Bunge,Ajira na Watu wenye Ulemavu Mhe.Jenista Mhagama akizungumza jambo na Naibu wake Mhe.Anthony Mavunde katika  kikao cha thelathini na Moja cha Mkutano wa saba wa Bunge la 11 leo Mjini Dodoma Mei 22, 2017.
Picha Zote na Daudi Manongi- Dodoma MAELEZO, DODOMA

UHALIFU ULIOCHUPA MIPAKA KUJADILIWA ARUSHA

unnamed
NAIBU INSPEKTA JENERALI WA POLISI, ABDULRAHMANI KANIKI, AKITOA HOTUBA YA UFUNGUZI WA MKUTANO WA KAMATI TENDAJI ZA SHIRIKISHO LA WAKUU WA POLISI KWA NCHI ZA KUSINI MWA AFRIKA, (SARPCCO)  IKIWA NI MAANDALIZI YA MKUTANO MKUU WA MWAKA WA SHIRIKISHO HILO UNAOTARAJIWA KUFANYIKA  JUMATANO TAREHE 24/05/2017 MKOANI ARUSHA. PICHA NA HASSAN MNDEME-JESHI LA POLISI.
A
BAADHI YA WAJUMBE WA KAMATI TENDAJI ZA SHIRIKISHO LA WAKUU WA POLISI KWA NCHI ZA KUSINI MWA AFRIKA, (SARPCCO) WAKISIKILIZA HOTUBA YA MGENI RASMI WAKATI WA UFUNGUZI WA MKUTANO WA KAMATI HIZO IKIWA NI MAANDALIZI YA MKUTANO MKUU WA MWAKA WA SHIRIKISHO HILO UNAOTARAJIWA KUFANYIKA  JUMATANO TAREHE 24/05/2017 MKOANI ARUSHA. PICHA NA HASSAN MNDEME-JESHI LA POLISI
………………………
 
Na. Frank Geofray-Jeshi la Polisi, Arusha.
Mkutano mkuu wa  mwaka wa Shirikisho la wakuu wa Polisi kwa nchi za Kusini mwa Afrika (SARPCCO) unatarajia kufanyika jumatano Mei 24, 2017 mkoani Arusha chini ya mwenyekiti wa Shirikisho hilo kwa kipindi hiki ambaye ni Mkuu wa Jeshi la Polisi Tanzania, IGP Ernest Mangu. 
Taarifa iliyotoilewa na Msemaji wa Polisi, Kamishna Msaidizi wa Polisi, Advera Bulimba imesema mkutano huo unatarajiwa kufunguliwa na Waziri wa Wizara ya Mambo ya Ndani ya Nchi, Mhe. Mwigulu Nchemba na utahudhuruwiwa na Viongozi mbalimbali wakiwemo viongozi kutoka SADC na wale wa Shirikisho la Polisi wa kimataifa INTERPOL ambapo tayari kamati tendaji za shirikisho hilo zinaendelea na mikutano yake kwa ajili ya maandalizi ya mkutano huo mkuu.
Bulimba alisema katika mkutano huo mambo mbalimbali yatajadiliwa ikiwemo jinsi ya kukabiliana na uhalifu unaovuka mipaka kwa kufanya Operesheni za pamoja katika kubaini na kukabiliana na makosa  mbalimbali yakiwemo  dawa za kulevya, wizi wa magari, usafirishaji haramu wa binadamu na ugaidi.
“Vilevile, mkutano huu utajadili utekelezaji wa maazimio yaliyofikiwa na Wakuu wa Upelelezi wa SARPCCO pamoja na kamati tendaji za sheria, Mafunzo na kamati tendaji ya Jinsia na watoto baada ya mkutano wao uliofanyika mwezi Machi mjini Bagamoyo” Alisema Bulimba.
SARPCCO iliundwa mwaka 1995 kwa lengo la kuimarisha ushirikiano wa Majeshi ya Polisi kwa nchi za Kusini mwa Afrika katika kukabiliana na vitendo vya uhalifu. Shirikisho hilo linaundwa na Nchi kumi na tano ambazo ni Tanzania, Angola, Botswana, Malawi, Lesoto, Mauritius, DRC, Msumbiji, Namibia, Afrika Kusini, Zambia, Zimbabwe, Swaziland, Madagascar na Syshelis.

MKAKATI MWINGINE WA SERIKALI KUWASAIDIA WAJAWAZITO

Na Daudi Manongi-MAELEZO, DODOMA.
Serikali kupitia Wizara ya Afya,Maendeleo ya Jamii,Jinsia,Wazee na Watoto imesema kuwa inategemea kusambaza  vifuko maalum vya kujifungulia vyenye vifaa vya kujifungulia  kwa wanawake  500,000 ambavyo vitasambazwa nchi nzima kulingana na uhitaji.
Hayo yamesemwa na Naibu Waziri wa Wizara hiyo Mhe. Mhe.Dk Khamis Kigwangalla wakati akijibu swali la Mbunge wa Viti Maalum Mhe.Munira Mustafa Khatibu leo Bungeni Mjini Dodoma.
“Sera ya Afya ya mwaka 2007 inaeleza kuwa Huduma za kina Mama wajawazito katika vituo vya ngazi zote zinapaswa kutolewa bila malipo”,Alisisitiza Mhe.Kigwangala
Aidha amesema kuwa Serikali haijawahi kuweka tozo na gharama za vifaa vya kujifungulia na upasuaji na hivyo huduma hizo zitaendelea kutolewa katika ngazi zote katika vituo vya umma vya kutolea huduma kwa gharama za Serikali.
Aidha kwa upande mwingine Mhe,Kigwangala ametoa rai kwa Wabunge kusaidia  kusimamia utekelezaji wa Sera walizokubaliana katika katika maeneo yao husika ili kuhakikisha huduma hizi za kina mama zinapatikana kwa Gharama za Serikali kama ilivyopangwa.
“Ili azma ya Serikali ya Kuhakikisha akina mama wajawazito wanapata huduma nzuri na lengo la kupunguza vifo vya mama na watoto inafanikiwa ni lazima usimamizi uwe wa karibu sana”,Aliongeza Mhe.Kigwangalla.
Aidha jumla ya kina mama 1,900,000 hujifungua kila mwaka nchini na kumekuwa na changamoto katika upatikanaji wa vifaa ambapo kwa sasa Serikali imeliwekea mkazo suala hilo ili kuhakikisha kina mama hao wanajifungua salama.

DC KILOLO AMWAKILISHA RC MAZOEZI SAMORA ,ATAKA WANANCHI KUSHIRIKI ULINZI

Mkuu wa wilaya ya Kilolo Asia Abdalah akiongoza mazoezi ya viongo  uwanja wa Samora kwa niaba ya mkuu wa mkoa wa Iringa Amina Masenza
wakazi  Iringa wakiwa katika mazoezi ya  viungo uwanja wa Samora
Aliyekuwa  mwenyekiti wa CCM Iringa mjini Abed Kiponza kulia na mkuu wa wilaya ya  Mufindi Jamhuri  Wiliam wakishiriki mazoezi
SERIKALI  mkoa wa Iringa  imewataka wananchi wa mkoa  huo kujitokeza katika mazoezi ya  viungo  ili  kuepukana na magonjwa  yasiyo ambukiza .

Pamoja na kushiriki mazoezi hayo yanayofanyika kila jumamosi bado   serikali imewataka wananchi  kuendelea  kutoa ushirikiano kwa vyombo vya ulinzi na usalama kwa  kuwafichua  waharifu .

Akizungumza kwa niaba ya mkuu wa mkoa wa Iringa Amina Masenza ,mkuu  wa wilaya ya  Kilolo Asia Abdalah  wakati wa  mazoezi ya  viongo jumamosi  hii alisema kuwa suala la mazoezi ya  viungo kwa  wananchi litasaidia kuwaepusha na matumizi ya  fedha kwa  kutibu magonjwa hayo yasiyoambukizwa ambayo  husababishwa na kutofanya mazoezi .

Hivyo  alisema kuwa  ni vema kila wilaya kuendeleza mazoezi hayo kama yalivyoasisiwa na makamu wa Rais wa jamhuri ya Muungano wa Tanzania Samia Suluhu Hassan na  kuendelezwa na mkuu wa mkoa wa Iringa mama Masenza .

Alisema kuwa  mkoa wa Iringa toka  makamu  wa rais aaagize watanzania  wote  kushiriki katika mazoezi kila jumamosi  mmoja kwa  kila mwezi  mkoa huo  umekuwa ukifanya mazoezi  kwa  jumamosi tatu  za  mwezi na jumamosi ya mwisho wa mwezi  ni kwa ajili ya siku ya Rais Dkt John Magufuli ya  kufanya  usafi .

Akielezea  kuhusu suala la ulinzi na usalama  alitaka  kila mwananchi wa mkoa wa Iringa  kuwa mlinzi wa mkoa kwa  kutoa taarifa za uharifu na waharifu kwa  vyombo  vinavyohusika ili  kuufanya mkoa  huo kuwa ni mkoa salama usio na matukio ya uharifu .

Kuhusu vita  ya dawa za kulevya  alitaka vijana kuachana na matumizi ya dawa  hizo na badala yake  kuwafichua  wote  wanaojihusisha na biashara  ya dawa za  kulevya .