Matukio Daima

Tembelea kila siku kwa habari na matukio mbali mbali..

Matukio Daima

Kwa Habari za Kitaifa.

Matukio Daima

Kwa Habari za Kimataifa.

Matukio Daima

Kwa Habari za Uchumi na Biashara.

Matukio Daima

Kwa Habari za Michezo na Burudani.

May 27, 2018

HII NI KALI YA MWAKA MANISPAA YA IRINGA YANASWA ,MAFINGA MJI TARURA YAHARIBU

Kiongozi  wa  mbio  za  mwenge Kitaifa  Cherlresy  Kabeho  akichimbua  barabara  ya  mji mafinga kupata  usahihi  wa zenge  iliyotumika 



WAKATI  kiongozi  wa  mbio  za  mwenge  Kitaifa  Charlesy Kabeho  akitoa  muda  wa  wiki mbili   kwa  Taasisi ya  kuzuia na kupambana na  Rushwa ( TAKUKURU )  kuchunguza  mradi wa  barabara ya  kiwango cha lami ya  Samora  ,Mashine tatu  Mkwawa  katika Halmashauri ya Manispaa ya Iringa   yenye  urefu wa Kilomita  3.4 iliyojengwa kwa  kiasi cha  zaidi ya  shilingi Bilioni 5.3  kiongozi  huyo atilia shaka mradi wa maji Halmashauri Mji Mafinga .

Akitoa  maagizo hayo  leo  kiongozi  huyo  aliiagiza  vyombo  vinavyohusika ikiwemo Takukuru  ndani ya  wiki mbili   kuanzia jana  kutuma  taarifa ya  uchunguzi wa pesa  zilizolipwea kwa mkrandarasi  wa  barabara   hiyo  pamoja na vielelezo  vyote .

Kwani alisema  pamoja na mradi  huo  kujengwa  kwa kiwango  kinachofaa  ila ana hofu ya  pesa  zilizoptumika katika  ujenzi  huo  hivyo lazima uchunguzwe na taarifa  azipate kwa  muda  huo na kama wapo  waliohusika na matumizi mabaya ya  pesa  basi  waweze   kuwajibika.

Kuhusu Halmashauri ya mji Mafinga  pamoja na  kupongeza  miradi  mbali mbali mbali ya  kimaendeleo miradi 9 yenye  thamani  ya  shilingi bilioni 1.7 bado  kiongozi   huyo  alitaka  mradi  wa  ujenzi  wa  darasa  shule ya  sekondari  Ihongole  kufanyiwa  marekebisho  ya  haraka  huku  mradi wa  ujenzi wa  tenk la maji  mtaa Tanganyika lililojengwa  kwa shilingi milioni  407,658,553 kupatiwa vielelezo  vya malipo ,vipimo  vya  udongo na  vingine.

Kabeho  alisema  lengo la  kutoa maagizo hayo ni  kuona  pesa za seriokali  zinazotolewa na  serikali ya  awamu ya tano chini ya Rais Dkt  John Magufuli  zinatumika kwa  kuzingatia ubora  wa  miradi.
  Sijaukataa mradi  wenu  nimeukubali na umejengwa  vizuri ila nataka  tu nijiridhishe  na matumizi ya  pesa  zilizotumika na kama  kuna mtu  amehusika  kula  pesa  basi  hatua  kali  zichukuliwe dhidi yake”
Alisema  kuwa  suala la  ujenzi  wa  miradi  linapaswa  kuzingatia  ubora  na  matumizi   sahihi ya  pesa  na  kuwa  wakimbiza  mwenge wa  safari  hii  wamejidhatiti kwa kuwa  na  wataalam wa  miradi  na watalamu  wa  tathimini ya  miradi na ndio  sababu  wamekuja na  kila aina ya  vifaa vya  kukagulia  miradi  hiyo kama sululu  na vifaa vingine .
Mkurugenzi wa Halmashauri  mji  Mafinga  Saada Mwaruka  alisema  katika  miradi   hiyo  9 ya  kimaendeleo  iliyozinduliwa na Mwenge  mwaka  huu  ,wananchi  wamechangia shilingi 954,545,000,halmashauri  imechangia  shilingi 47,259,000, serikali  kuu  imechangia  shilingi 741,491,653 na wahisani  wamechangia 954,545,000 na  kufanya  jumla  ya  fedha  zote  kufikia  shilingi 1,781,296,053.

May 26, 2018

MAKAO MAKUU HALMASHAURI YA BUMBULIKUJENGWA KWEHANGALA


Ramani ya jengo la Halmashauri ya Bumbuli litakavyokuwa. (Picha na Yusuph Mussa, Immamatukio Blog).

Na Yusuph Mussa, Bumbuli
Immamatukio Blog

HATIMAYE Jengo la Makao Makuu ya Halmashauri ya Bumbuli katika Wilaya ya Lushoto mkoani Tanga ujenzi wake unatarajiwa kuanza mapema Juni, mwaka huu kwenye Kijiji cha Kwehangala katika kata ya Dule B.

Hafla ya utiaji saini kwa ajili ya ujenzi huo umefanyika leo Mei 25, 2018 Ofisi za Halmashauri mjini Bumbuli na kuhudhuriwa na Mwenyekiti wa Halmashauri ya Bumbuli Ameir Shehiza, Mkurugenzi Mtendaji wa Halmashauri ya Bumbuli Peter Nyalali, baadhi ya madiwani wa halmashauri hiyo, watendaji na wananchi pamoja na mkandarasi.

Nyalali alisema siku hiyo ni ya aina yake, kwani ni Mungu pekee amewezesha kufikia muafaka baada ya vikwazo vingi.

"Ni Mungu pekee aliyewezesha siku ya leo kufikia hapa na kushuhudia utiaji saini kwa ajili ya ujenzi wa Makao Makuu ya Halmashauri ya Bumbuli, Kwehangala. Lakini kama sio yeye (Mungu), wengine sisi tungekuwa gerezani. Mtu wa pili kumshukuru ni Rais wa Tanzania Dkt. John Magufuli. Yeye baada ya kubaini hali halisi, aliamua kuturudishia fedha tuendelee na ujenzi.

"Shukrani pia zimuendee Mwenyekiti wa Halmashauri, viongozi wa Chama Cha Mapinduzi, Kamati ya Fedha, Uongozi na Mipango, watendaji na wananchi kwa kusaidia jambo hili kufanikiwa" alisema Nyalali.

Awali, Shehiza alimtaka Mkurugenzi Nyalali awathibitishie maslahi ya mkandarasi anaejenga jengo hilo Kampuni ya Advent Construction Ltd ya jijini Dar es Salaam kuwa yatalindwa na kufanya kazi yake kwa wakati. Lakini pia kujua ataanza lini kazi hiyo.

May 25, 2018

WANANCHI HALMASHAURI YA IRINGA WACHANGIA TSH MILIONI 169 MIRADI 9 YA KIMAENDELEO ,KIONGOZI WA MBIO ZA MWENGE AWATAKA KUENDELEA KUTUNZA MIRADI


Mkuu wa wilaya ya Iringa Richard Kasesela akiwa ameshika mwenge wa Uhuru
Mkurugenzi wa Halmashauri ya Iringa Masunya akiwa na mwenge wa uhuru
Mkuu wa wilaya ya Mufindi Jamhuri William Kushoto akimkabidhi mwenge Mkuu wa wilaya ya Iringa Richard Kasesela katika kijiji cha Muwimbi
Vijana wa alaiki waliopamba mwenge Iringa vijijini


Watumishi Iringa wakiulaki Mwenge
Mwenyekiti wa Halmashauri ya Iringa Stevin Mhapa akiwa amesika mwenge

WANANCHI wa Halmashauri ya Iringa mkoani Iringa wamechanga jumla ya siblingi 169,098,400 kwa ajili ya kukamilisha miradi  9 ya kimaendeleo.

Akitoa taarifa  wakati wa uzinduzi na ufunguzi wa miradi hii leo kwa kiongozi wa mbio za Mwenge wa Uhuru Kitaifa ,mkurugenzi wa Halmashauri ya  Iringa Robert Masunya  alisema kuwa pamoja wananchi hao kuchangia pesa hizo serikali kuu imechangia  kiasi cha shilingi 844,383,900.

Wakati Halmashauri ya Wilaya ya Iringa imechangia 36,173,219  huku wahisani wamechangia shilingi 14,200,000 na kufanya jumla ya michango yote kufikia shilingi 1,063,855,519.

Masunya alisema kuwa miradi iliyochangiwa ni pamoja na ujenzi wa Zahanati kijiji cha Muwimbi ambayo wananchi wamechangia shilingi 44,803,900.

Huku Halmashauri ikichangia shilingi 5,827,100 ,wahisani shilingi 12,500,000 ,ukarabati wa barabara ya Masumbo -Kiponzero ambayo imekarabatiwa kwa pesa za serikali kuu kwa kiasi cha shilingi 277,611,900 na ujenzi wa shule ya sekondari Tanangozi iliyojengwa kwa shilingi 58,774,500  ambayo wananchi wamechangia shilingi 49,244,500 na serikali kuu imetoa shilingi 9,530,000.

Aidha alitaja miradi mingine kuwa ni pamoja na mradi ujenzi wa Zahanati ya Mlangali iliyojengwa kwa shilingi 59,486,119 pesa ambazo zimetokana na wahisani kiasi cha shilingi 1,200,000 ,Halmashauri imechangia shilingi 21,786,119 na wananchi shilingi 36,500,000.

Pia alisema wananchi wa Halmashauri ya Iringa wamechangia shilingi 4,435,000 kwa ajili ya ujenzi wa madarasa matatu na ofisi moja ya walimu na matundu 5 ya vyoo katika shule ya sekondari Kiwere na serikali kuu imechangia mradi huo shilingi 65,500,000 na kufanya pesa zote kufikia 69,935,000 .

Alitaja miradi mingine iliyofunguliwa na mwenge kuwa ni pamoja na shamba la korosho  kwa taasisi za Halmashauri kwenye shule ya sekondari Ismani ambalo limegharimu kiasi cha shilingi23,137,000 kwa wananchi kuchangia shilingi 17,395,000 na serikali kuu ikichangia 5,742,000.

Hata hivyo alisema mbio hizo za mwenge zimeweza kuzindua mradi wa maji kijiji cha Kising'a mradi wenye thamani ya shilingi 346,080,000  pesa zilizotokana na michango ya wananchi ikiwa ni 6,720,000 ,Halmashauri shilingi 3,360,000 na serikali kuu ni shilingi 336,000,000.

Alipongeza pia wananchi kwa kuchangia shilingi 10,000,000 kati ya shilingi  165,000,000 zilizotumika kwenye ujenzi wa bweni la wasichana shule ya sekondari Ismani ambapo Halmashauri ilichangia shilingi 5,000,000 na serikali kuu ikichangia shilingi 150,000,000.


Aidha Masunya  alisema kwa mwaka huu 2018 mbio za mwenge wa Uhuru katika miradi yote 9 wananchi wamechangia jumla ya shilingi 169,098,400 na Halmashauri imechangia shilingi 36,173,219 ,serikali kuu imechangia shilingi 844,383,900 huku wahisani wakichangia shilingi 14,200,000.

Kwa upande wake Kiongozi wa mbio za mwenge Kitaifa ,kabeho alitaka wananchi kuendelea kushiriki kuchangia miradi yote ya kielimu ambayo itawalazimu kufanya hivyo.

Alisema pamoja na kushiriki kuchangia miradi walimu wakuu hawaruhusiwi kufukuza watoto shule kwa michango ambayo wazazi na wananchi wamekubaliana nao kupitia kamati za maendeleo za kata .

Alisema jukumu la mzazi kuhakikisha ananunua sare za wanafunzi pamoja na kuchangia Chakula shuleni ila michango yote na ada serikali ya awamu ya tano imeifuta mashuleni

May 23, 2018

KIONGOZI WA MBIO ZA MWENGE ATAKA WANANCHI MUFINDI KUTUNZA MIRADI YA MAENDELEO

Mkuu wa mkoa wa Iringa Amina Masenza akitoa taarifa ya miradi ya mwenge katika mapokezi ya mwenge mkoa wa Iringa leo
Kiongozi wa mbio za mwenge Kitaifa Charles Kabeho akikabidhi kadi ya matibabu bure kwa wazee wa kijiji cha Sadani Mufindi
Kiongozi wa mbio za mwenge Kitaifa Charlesy Kabeho akizungumza na wanawake wajawazito kabla ya kuwapatia neti
Viongozi wa CCM Mufindi Daud Yasini kushoto na Mbunge wa Mufindi kusini Mheshimiwa Mendrady Kigola wakifuatilia hotuba ya kiongozi wa mbio za mwenge


KIONGOZI wa mbio za mwenge kitaifa Charles Kabeho amewataka wananchi wa Halmashauri ya Mufindi mkoani Iringa kutunza miradi yenye thamani ya shilingi Bilioni 9.1 ya kimaendeleo iliyofunguliwa na mbio za mwenge.

Akizungumza kwa nyakati tofauti leo wakati wa ufunguzi wa miradi  6 wakati wa mbio za mwenge wa Uhuru jana ,kiongozi huyo alisema lengo la Serikali ya awamu ya tano ni kuona wananchi wanaendelea kupatiwa huduma mbali mbali ikiwemo ya elimu,afya na nyinginezo.

Hivyo alisema pamoja na ushiriki wa wananchi katika uchangiaji wa nguvu zao katika miradi hiyo bado wanawajibu wa kulinda miradi hiyo na kuwafichua wahujumu wa miradi iliyojengwa.

"Leo tumefungua miradi hii nawaombeni kila mmoja wenu kuwa mlinzi wa miradi hii tusiruhusu watu wasiopenda maendeleo kuharibu miradi yetu"

Kabeho alisema kuwa katika suala la elimu serikali imejipanga kuona wanafunzi wa elimu ya msingi na sekondari wanapata elimu bila malipo na kuwa jukumu la wazazi kuwapatia watoto mahitaji ya msingi ya shule kama Sare na mingine ambayo yapo katika uwezo wao.

Aidha alisema halmashauri za wilaya zinapaswa kujenga miradi ya elimu na mingine kwa kuzingatia ubora wa miradi hiyo .

Kuhusu maambukizi ya virusi vya Ukimwi alitaka mkoa wa Iringa kuendelea kupunguza kasi ya maambukizi ya UVVU na kutoka katika nafasi ya pili kitaifa.

"Kasi ya UVVU kwa mkoa wa Iringa ni asilimia 11.3 huku Njombe ikiwa ni asilimia 11.4 na Mbeya ni asilimia 9 hii si hali nzuri kwa mkoa hii mitatu lazima jitihada zinanyike kutoka katika nafasi hii"

Akitoa taarifa ya miradi ya kimaendeleo iliyopitiwa na mbio za mwenge wa Uhuru 2018 Mkuu wa wilaya ya Mufindi Jamhuri William alisema miradi hiyo 6 ni pamoja na mradi wa uwekaji jiwe la msingi vyumba viwili vya madarasa shule ya sekondari Igombavanu,uzinduzi wa klabu ya wapinga rushwa,mradi wa msitu wa Kupandwa wa halmashauri,mradi wa hifadhi ya mazingira wa msitu wa kupandwa na mradi wa ujenzi wa zahanati na mingine.

Alisema kuwa wilaya ya Mufindi imeendelea kuunga mkono jitihada za serikali katika mapambano dhidi ya Rushwa.

Alisema jumla ya miradi hiyo 6 ina thamani ya shilingi bilioni 9,199,229,136.